દબંગાઈ / VIDEO: સાહેબ, ખાખી વર્ધી છે એટલે ખૂલેઆમ દાદાગીરી કરવાની? સુરતમાં CCTVમાં કેદ થઈ પોલીસકર્મીની દાદાગીરી

• સુરતમાં વરાછા પોલીસની દાદાગીરી સામે આવી
• PCR વાનમાં આવેલા પોલીસકર્મીએ માર્યો માર
• દુકાનદારને માર મારવાની ઘટના CCTVમાં કેદ

સુરતનાં વરાછા વિસ્તારમાં દુકાનદાર દુકાન બંધ કરીને ઘરે જઈ રહ્યો હતો. તે દરમ્યાન અચાનક  PCR વાનમાં આવેલ  પોલીસકર્મી દ્વારા તેને માર મારવાનું શરૂ કરી દીધું હતું. ત્યારે પોલીસ કર્મી દ્વારા ગાડીમાંથી ઉતરી દંડો લઈ દુકાનદારને માર મારતો સમગ્ર ઘટના CCTVમાં કેદ થઈ જવા પામી હતી. ત્યારે આ વીડિયો સોશિયલ મીડિયામાં પણ વાયરલ થતા લોકોમાં પોલીસ કર્મી વિરૂદ્ધ રોષ જોવા મળ્યો હતો.

Surat News: સુરત પોલીસની દાદાગીરી સામે આવી, વરાછા પોલીસે દુકાનદારને માર્યો માર, સમગ્ર ઘટના CCTVમાં કેદ#gujarat #surat #vtvgujarati pic.twitter.com/UuJZ2Amhk1

— VTV Gujarati News and Beyond (@VtvGujarati) June 4, 2023

દુકાનદારને માર મારવાની ઘટના CCTVમાં કેદ
અવાર નવાર પોલીસ કર્મી દ્વારા રાત્રીનાં સમયે દુકાનદારો તેમજ લારી વાળાને માર મારવાનાં કિસ્સા પ્રકાશમાં આવતા હોય છે. ત્યારે આવો જ એક કિસ્સો સુરતનાં વરાછામાં બન્યો છે. જેમાં દુકાન બંધ કરીને જઈ રહેલ શખ્સને પીસીઆર વાનમાંથી ઉતરેલ પોલીસ કર્મી દ્વારા વાતચીત કર્યા બાદ લાકડી ફટકારવાનું શરૂ કરી દેતો સ્પષ્ટ  CCTV માં દેખાય છે. ત્યારે હવે આ બાબતે સુરત પોલીસ કમિશ્નર દ્વારા કોઈ પગલા લેવાય છે કે કેમ તે જોવાનું રહ્યું.