- મેચમાં RCBએ મુંબઈ ઈન્ડિયન્સને 8 વિકેટથી હરાવ્યું હતું
- હાર બાદ મુંબઈ ઈન્ડિયન્સનો કેપ્ટન ઘણો નિરાશ દેખાઈ રહ્યો હતો
- ટીમના બોલરોએ મેચમાં સારી બોલિંગ કરી ન હતી - રોહિત શર્મા
આઈપીએલ 2023 ની પાંચમી મેચ 2 એપ્રિલના રોજ રોયલ ચેલેન્જર્સ બેંગ્લોર અને મુંબઈ ઈન્ડિયન્સ વચ્ચે રમાઈ હતી. જણાવી દઈએ કે બેંગલુરુમાં રમાયેલી આ મેચમાં RCBએ મુંબઈ ઈન્ડિયન્સને 8 વિકેટથી હરાવ્યું હતું. પહેલા બેટિંગ કરતા મુંબઈ ઈન્ડિયન્સે 7 વિકેટના નુકસાને 171 રન બનાવીને રોયલ ચેલેન્જર્સ બેંગ્લોરને જીત માટે 172 રનનો ટાર્ગેટ આપ્યો હતો. જણાવી દઈએ કે રોયલ ચેલેન્જર્સ બેંગ્લોરે 2 વિકેટના નુકસાને આ રનનો ટાર્ગેટ મેળવી લીધો હતો. આ એકતરફી હાર બાદ મુંબઈ ઈન્ડિયન્સનો કેપ્ટન રોહિત શર્મા ઘણો નિરાશ દેખાઈ રહ્યો હતો અને મેચ બાદ ટીમની હારનું કારણ પણ જણાવ્યું હતું.
ટીમના બોલરોએ મેચમાં સારી બોલિંગ કરી ન હતી
રોહિત શર્માએ મુંબઈ ઈન્ડિયન્સની હાર માટે ટીમની બોલિંગને જવાબદાર ગણાવી હતી. પ્રેઝન્ટેશન સેરેમની દરમિયાન મુંબઈ ઈન્ડિયન્સના કેપ્ટન રોહિત શર્માએ કહ્યું હતું કે, 'મેચની શરૂઆત સારી નહોતી રહી. પણ તિલક વર્માનો પ્રયાસ સારો હતો. જો કે ટીમના બોલરોએ મેચમાં સારી બોલિંગ કરી ન હતી અને સાથે જ અમે પણ સારી બેટિંગ કરી ન હતી. પિચ બેટિંગ માટે અનુકૂળ હતી. તિલક વર્માએ કેટલાક શોટ માર્યા હતા જે સારા હતા પરંતુ અમે અમારી ક્ષમતા મુજબ ટીમે બેટિંગ ન કરી.
બુમરાહ વિના રમવાની આદત પડી ગઈ છે
જ્યારે રોહિત શર્માને જસપ્રીત બુમરાહ વિશે પૂછવામાં આવ્યું તો તેને કહ્યું કર, 'છેલ્લા 6-8 મહિનાથી મને બુમરાહ વિના રમવાની આદત પડી ગઈ છે. જે વસ્તુઓ આપણા નિયંત્રણમાં નથી તે આપણે નિયંત્રિત કરી શકતા નથી. બાકીના લોકો પણ ટેલેન્ટેડ છે ભલે ઘણા લોકો IPL રમ્યા નથી. આ એમની સિઝનની પહેલી મેચ હતી, હજુ ઘણું સારું જોવા મળશે.'
