- મેચમાં RCBનો એક ખેલાડી ઈજાગ્રસ્ત થયો હતો
- રીસ ટોપ્લી આખી સિઝનમાંથી બહાર થઈ ગયો
- મુંબઈ ઈન્ડિયન્સમાં આ ખેલાડીની એન્ટ્રી
IPL 2023 ની 9મી મેચમાં રોયલ ચેલેન્જર્સની ટીમ કોલકાતા નાઈટ રાઈડર્સ સામે ટકરાઇ હતી. જણાવી દઈએ કે આ સિઝનની પહેલી જ મેચમાં RCBએ મુંબઈ ઈન્ડિયન્સને 8 વિકેટે હરાવ્યું હતું પણ એ મેચમાં RCBનો એક ખેલાડી ઈજાગ્રસ્ત થયો હતો. જો કે તેના કારણે આ ખેલાડી IPL 16ની આખી સિઝનમાંથી બહાર થઈ ગયો હતો.
રીસ ટોપ્લી આખી સિઝનમાંથી બહાર થઈ ગયો
ઈંગ્લેન્ડના ડાબા હાથના ફાસ્ટ બોલર રીસ ટોપ્લી મુંબઈ સામેની મેચ દરમિયાન ઈજાગ્રસ્ત થયો હતો અને તેના ખભામાં ઈજા થઈ હતી. આ પછી રીસ ટોપ્લી આખી મેચમાંથી બહાર થઈ ગયો હતો. RCBના કોચ સંજય બાંગડે આ સમાચાર KKR અને RCBની મેચ દરમિયાન આપ્યા હતા નોંધનીય છે કે ટોપલી ઈજાગ્રસ્ત થયા બાદ ડેવિડ વિલીએ ટીમમાં તેનું સ્થાન લીધું છે.
મુંબઈ ઈન્ડિયન્સમાં આ ખેલાડીની એન્ટ્રી
મુંબઈ ઈન્ડિયન્સની ટીમે ઓસ્ટ્રેલિયાના ફાસ્ટ બોલર રિલે મેરેડિથને પોતાની ટીમ માટે સાઈન કર્યો છે. જણાવી દઈએ કે 1.5 કરોડની રકમમાં આ ટીમમાં જોડાશે. ઈજાગ્રસ્ત જ્યે રિચર્ડસનની જગ્યાએ મેરેડિથને ટીમમાં સામેલ કરવામાં આવ્યો છે. મુંબઈની ટીમમાં ઝડપી બોલરોની અછત છે અને મેરેડિથના આવવાથી તેમની બોલિંગ લાઈન અપ મજબૂત થશે.
ઈજાઓ સાથે સંઘર્ષ કરી રહ્યા છે ખેલાડી
આ લીગની શરૂઆત પહેલા જ ઇજાગ્રસ્ત ખેલાડીઓ એ લગભગ દરેક ટીમને પરેશાન કરી હતી. આરસીબીના ખેલાડી રજત પાટીદાર અને જોશ હેઝલવુડની ઈજાગ્રસ્ત છે, તો ગુજરાત ટાઇટન્સના કેન વિલિયમસન પણ પહેલી જ મેચમાં ફિલ્ડિંગ કરતી વખતે ઈજાગ્રસ્ત થઈને ટૂર્નામેન્ટમાંથી બહાર થયો હતો. નોંધનીય છે કે જસપ્રિત બુમરાહ, શ્રેયસ અય્યર, મુકેશ ચૌધરી, ઋષભ પંત, જ્યે રિચર્ડસન જેવા ખેલાડીઓ પણ ઈજાના કારણે ટૂર્નામેન્ટમાંથી બહાર છે.
