IPL 2023 / માહીની દિવાનગી...: MS Dhoni મેદાનમાં ઉતર્યો કે તરત જ મેચ જોનારાની સંખ્યામાં 50 લાખથી વધુનો ઉછાળો

• MS ધોનીએ પોતાના નામે કર્યો રેકોર્ડ 
• IPLની 17મી મેચમાં 17 બોલમાં અણનમ 32 રન બનાવ્યા
• ધોનીના મેદાને ઉતરતાની સાથે વ્યુવર્સમાં 50 લાખથી વધુનો ઉછાળો 

MS ધોની ક્રિકેટ જગતમાં એક મોટુ નામ છે અને ફેંસના દિલમાં તેમની એક અલગ જ જગ્યા છે. આંતરરાષ્ટ્રીય ક્રિકેટથી સંન્યાસ લઈ ચુકેલા ધોની અત્યાર સુધી ફેંસના દિલમાં રાજ કરે છે. મેદાન કોઈ પણ હોય ધોની માટે ફેંસનો પ્રેમ ખાસ છે. 

2.2 કરોડ લોકોએ જોઈ ધોનીની બેટિંગ 
તેની પુષ્ટિ આઈપીએલ 2023ની 17મી મેચમાં થઈ જ્યારે આઈપીએલના ડિજિટલ પ્રસારણ કરનાર જીયો સિનેમા પર 2.2 કરોડ લોકોએ ધોનીને બોટિંગ કરતા જોયા. જ્યારે MS ધોની રાજસ્થાન રોયલ્સના સામે બેટિંગ કરવા માટે ક્રીઝ પર આવ્યા ત્યાર વ્યૂઅરશિપનો અદ્ભૂત રેકોર્ડ બન્યો. 

ચેન્નાઈને સંભાળી 
ચેન્નાઈની ટીમ પોતાના હોમગ્રાઉન્ડ ચેપૉક સ્ટેડિય પર સીધનની બીજી મેચ રમી રહી હતી. રાજસ્થાનની સામે તેમની ઈનિંગ બરાબર ન હતી અને એક સમય તેમણે 113 રન પર છ વિકેટ ગુમાવી દીધા હતા. 

પરંતુ ધોનીએ CSKની ઈનિંગને સંભાળી અને મુકાબલો ખૂબ જ રોમાંચક બનાવી દીધો. તે અંત સુધી ક્રિઝ પર ડટીને રહ્યા અને તે સમયે વ્યૂઅરશિપનો રેકોર્ડ પણ પોતાના નામે કર્યો. 

પોતાનો જુનો અવતાર બતાવ્યો 
MS ધોનીએ પોતાનો જુનો અવતાર બતાવ્યો અને ફક્ત 17 બોલમાં એક ચોકો અને ત્રણ છગ્ગાની મદદથી અણનમ 32 રન બનાવ્યા. આ સમયે તેમણે રવીન્દ્ર જાડેજાની સાથે સાતમી વિકેટ માટે 59 રનની ભાગીદારી કરી. 

MS ધોની બસ છેલ્લા બોલ પર છગ્ગો લગાવાથી ચુકી ગયા અને એવામાં રાજસ્થાન રોયલ્સે ત્રણ રનથી મુકાબલો પોતાના નામે કર્યો.