- સૂર્યકુમાર યાદવે અણનમ 103 રન ફટકાર્યા
- ઈનિંગમાં 11 ચોગ્ગા અને 6 છગ્ગા લગાવ્યા
- ગુજરાત ટાઈટન્સ સામે 49 બોલ પર 103 રન લગાવ્યા
IPL 2023ની 57મી મેચમાં એક વખત ફરી સૂર્યકુમાર યાદવે શાનદાર બેટિંગ કરી છે. આ વખતે સૂર્યાના બેટે એ કરી બતાવ્યું જે આજથી પહેલા તે ક્યારેય નથી કરી શક્યા. તેમણે IPLના ઈતિહાસમાં પહેલી વખત સેન્ચુરી લગાવી અને ટી20 ક્રિકેટમાં પોતાની ચોથી સેન્ચુરી લગાવી.
આ પહેલા ત્રણ સેન્ચુરી તેમણે ટી20 ઈન્ટરનેશનલમાં લગાવી હતી. તેમણે ગુજરાત ટાઈન્ટન્સના વિરૂદ્ધ આ મેતમાં 49 બોલ પર અણનમ 103 રનોની ઈનિંગ રમી જેમાં 11 ચોગ્ગા અને 6 છગ્ગા શામેલ હતા.
મુંબઈ ઈન્ડિયન્સની ત્રીજી સૌથી મોટી ઈનિંગ
સૂર્યકુમાર યાદવની આ ઈનિંગ આઈપીએલ ઈતિહાસમાં મુંબઈ ઈન્ડિયન્સની ત્રીજી સૌથી મોટી ઈનિંગ રહી. ત્યાં જ ગુજરાત ટાઈટન્સના વિરૂદ્ધ આ કોઈ પણ બેટ્સમેનની પહેલી સેન્ચુરી અને સર્વોચ્ચ સ્કોર રહ્યો. સૂર્યકુમાર યાદવની શાનદાર બેટિંગના કારણે ગુજરાત ટાઈટન્સના વિરૂદ્ધ પણ આઈપીએલનો સૌથી મોટો સ્કોર મુંબઈ ઈન્ડિયન્સે ઉભો કર્યો.
આટલું જ નહીં છેલ્લી પાંચ મેચોમાં સૂર્યાએ 3 હાફ સેન્ચુરી અને એક સેન્ચુરી લગાવી છે. આ સીઝનમાં મુંબઈ ઈન્ડિયન્સે પાંચ વખત 200 પ્લસનો સ્કોર બનાવ્યો છે જે કોઈ પણ ટીમનો ઔતિહાસીક આંકડો છે. આ પહેલા કોઈ પણ ટીમ એક સીઝનમાં પાંચ વખત આવું નથી કરી શકી.
મુંબઈ ઈન્ડિયન્સ માટે 9 વર્ષ બાદ સેન્ચુરી
મુંબઈ ઈન્ડિયન્સ માટે IPLમાં સૂર્યકુમાર યાદવે 9 વર્ષ બાદ સેન્ચુરી લગાવી છે. છેલ્લી વખત 2014માં લેન્ડલ સિમંસએ ફ્રેન્ચાઈઝી માટે સેન્ચુરી લગાવી હતી. હવે 2023માં તેના બાદ સૂર્યકુમાર યાદવે સેન્ચુરી લગાવી છે. તેની સાથે જ આ સીઝન તેમની 12 મેચોમાં 479 રનની રહી છે તેમાં ચાર હાફસેન્ચુરી એક સેન્ચુરી શામેલ છે.
