- અમદાવાદ : IPLની સેમિફાઈનલ મેચ પહેલા વરસાદનું વિદ્ય્ન
- ગુજરાત અને મુંબઈની મેચ શરૂ થવામાં થઈ શકે છે વિલંબ
- નરેન્દ્ર મોદી ક્રિકેટ સ્ટેડિયમ પર વરસાદનું ધમાકેદાર આગમન
IPL 2023 ની મોસમ બરાબરની જામી છે. આવી સ્થિતિ વચ્ચે ક્રિકેટ રસિકો માટે માઠા સમાચાર સામે આવી રહ્યા છે. જેમાં IPLમાં વરસાદ વેરી બને તેવી સ્થિતિ સર્જાઈ છે. હવામાન વિભાગની આગાહીને પગલે અમદાવાદ શહેરના વાતાવરણમાં એકાએક પલટો આવ્યો છે. જેમાં બોડકદેવ, થલતેજ,એસ.જી.હાઈવે તથા ગુજરાત યુનિવર્સિટી,આશ્રમરોડ, સરખેજ સહિતના વિસ્તારમાં વરસાદી ઝાપટા પડ્યા હતા. IPLની સેમિફાઈનલ મેચ પહેલા વરસાદનું વિદ્ય્ન સર્જાતા રસિકો મુંજાયા હતા.
વરસાદના આગમન સાથે જ ગ્રાઉન્ડમાં પ્રવેશ માટે પ્રેક્ષકોએ મુકી દોટ
મહત્વનું છે કે આજે અમદાવાદમાં ગુજરાત અને મુંબઈની મેચ છે. ત્યારે વરસાદને લઈને આ મેચમાં વિલંબ થઈ શકે છે. નરેન્દ્ર મોદી ક્રિકેટ સ્ટેડિયમ પર વરસાદનું ધમાકેદાર આગમન થયું છે. વરસાદના આગમન સાથે જ ગ્રાઉન્ડમાં પ્રવેશ માટે પ્રેક્ષકોએ દોટ મુકી હોય તેવા દ્રશ્યો સર્જાયા હતા. ઉપરાંત વરસાદથી બચવા લોકો મેટ્રો રૂટના પુલ, વૃક્ષ નીચે ઉભા રહ્યાં હતા.
જો કે પ્લેઓફ માટે કોઈ રીઝર્વ ડે રહેશે નહીં. IPLના નિયમો અનુસાર દરેક પ્લેઓફ મેચ માટે 120 મિનિટનો વધારાનો સમય નક્કી કરાયો છે. જેને લઈને નિર્ધારિત સમય પછી મેચ પૂર્ણ થવામાં 120 મિનિટ બાકી રહે છે. જો પ્લેઓફ મેચના દિવસે વરસાદ આવી મેચમાં સમસ્યા આવે તો મેચ 9:45 વાગ્યા સુધી શરૂ થાય છે, તો ઓવરોની સંખ્યા સંખ્યા ઓછી કરશે નહીં અને મેચ 20 ઓવરની રહેશે.અને ઇનિંગ્સ વચ્ચે માત્ર 10 મિનિટનો વિરામ હશે. આ પછી જો મેચ થશે તો ઓવરોની સંખ્યા કાપવામાં આવશે. ઓવરોની સંખ્યા પ્રતિ ઇનિંગ્સમાં મહત્તમ પાંચ ઓવર સુધી ઘટાડી શકાય છે. 11.56 વાગ્યાથી પ્રતિ ઇનિંગ પાંચ ઓવરની મેચ યોજાશે. BCCIએ આ મેચનો અંતિમ સમય પણ નક્કી કર્યો છે, જે 12:50 સુધીનો રહેશે. તેનો કટ ઓફ સમય 12:26 કલાક છે.જ્યારે સુપર ઓવર શક્ય ન હોય તો, નિયમિત સિઝનની 70 મેચો પછી લીગ ટેબલમાં આગળ સ્થાન મેળવનાર ટીમને વિજેતા જાહેર કરાઈ છે.
