અમેરિકામાં ગોળીબાર / USAમાં બર્થડે પાર્ટીમાં અંધાધૂંધ ફાયરિંગ: 6 સગીરોના મૃત્યુ, અમેરિકામાં આ વર્ષે આવી 139મી ઘટના

• અમેરિકામાં ફરી એકવાર ગોળીબારની ઘટના 
• અલાબામા રાજ્યના ડેડવિલેમાં ગોળીબાર
• ગોળીબારમાં છ સગીરોના મોત, 20 લોકો ઘાયલ 

અમેરિકામાં અલાબામા રાજ્યના ડેડવિલેમાં અફઘાનિસ્તાનની જેમ જ ગોળીબારની ઘટના સામે આવી છે. વાત જાણે એમ છે કે, અલાબામા રાજ્યના ડેડવિલેમાં રવિવારે થયેલા ગોળીબારમાં છ સગીરોના મોત થયા છે. જ્યારે 20 લોકો ઘાયલ થયા હતા. ઘાયલોમાં મોટાભાગના સગીર છે. આ ઘટના ટીનેજરની બર્થડે પાર્ટી દરમિયાન બની હતી. એક મેદાનમાં 6 સગીરોના મૃતદેહ જોવા મળ્યા હતા. આરોપી પણ સગીર હોવાનું કહેવાય છે. જોકે હજી સુધી આરોપીની ધરપકડ કે મૃત્યુના કોઈ સમાચાર નથી.

એક સ્થાનિક ન્યૂઝ દ્વારા પ્રત્યક્ષદર્શીને ટાંકીને કહ્યું છે કે, ડેડવિલેમાં જન્મદિવસની પાર્ટી ચાલી રહી હતી. તેને સ્વીટ-16 નામ આપવામાં આવ્યું હતું. પાર્ટી પૂરી થવામાં જ હતી કે કોઈએ ફાયરિંગ શરૂ કરી દીધું. થોડીવારમાં પોલીસ ત્યાં પહોંચી ગઈ.  કેટલાક અહેવાલો મૃત્યુઆંક ચાર દર્શાવે છે. જોકે પ્રત્યક્ષદર્શીએ દાવો કર્યો હતો કે, પોલીસે 6 સગીરોના મૃતદેહ બહાર કાઢ્યા છે. એક પોલીસ કર્મચારી પણ ઘાયલ થયો છે. મહત્વનું છે કે, ડેડવિલેની વસ્તી આશરે 3200 છે.

At least four people were killed, including a high school football player, in a shooting that erupted during a birthday party held inside a dance studio in the small town of Dadeville, Alabama: Reuters

— ANI (@ANI) April 17, 2023

શું કહ્યું અલાબામાના ગવર્નરે ? 
અલાબામાના ગવર્નર કે આઈવેએ કહ્યું જે, અમને ખૂબ જ દુઃખદ સમાચાર મળ્યા છે. સામૂહિક ગોળીબારમાં કેટલાક લોકોના મોત થયા છે. રાજ્યમાં આવા ગુનાઓને સાંખી લેવામાં આવશે નહીં. અમે સ્થિતિ પર નજર રાખી રહ્યા છીએ. માર્યા ગયેલા સગીરોમાં એક પ્રતિભાશાળી એથ્લેટ પણ હતો.

નોંધનીય છે કે, એક દિવસ પહેલા કેન્ટુકી રાજ્યમાં પણ સામૂહિક ફાયરિંગ થયું હતું. જેમાં બે લોકોના મોત થયા હતા. અમેરિકામાં આ વર્ષે જાન્યુઆરીથી અત્યાર સુધીમાં ગોળીબારની કુલ 139 ઘટનાઓ બની છે.