વિવાદ / ડ્રેગન સામે ભારતનું આકરું વલણ: ચોખ્ખા શબ્દોમાં સંભળાવી દીધું, પહેલા આ કામ કરો પછી બીજી વાત

• પૂર્વી લદ્દાખમાં વાસ્તવિક નિયંત્રણ રેખા સ્થિર છે 
• ચીન તરફથી દ્વિપક્ષીય કરારો ઉલ્લંઘન કરતાં સંબંધો પર પડી અસર 
• LAC સંબંધિત મુદ્દાઓને ઉકેલ લાવવા માટે કરારોનું પાલન આવશ્યક

પૂર્વી લદ્દાખમાં વાસ્તવિક નિયંત્રણ રેખા સ્થિર છે 

શુક્રવારે ભારતીય વિદેશ મંત્રાલયના પ્રવક્તા અરિંદમ બાગચીએ ગલવાન ઘાટીમાં બનેલી ઘટના અંગે ચીનના વિદેશ મંત્રાલયના પ્રવક્તાની ટિપ્પણી પર પ્રતિક્રિયા આપતાં જણાવ્યું હતું કે અમે આવા નિવેદનોને સંપૂર્ણ પણે નકારીએ છીએ. પૂર્વી લદ્દાખમાં વાસ્તવિક નિયંત્રણ રેખા LAC સાથેની ઘટનાઓ પર અમારી સ્થિતી સપષ્ટ અને સ્થિર છે .

ચીન તરફથી દ્વિપક્ષીય કરારો ઉલ્લંઘન કરતાં સંબંધો પર પડી અસર 

વિદેશ મંત્રાલયના પ્રવક્તા બાગચીએ જણાવ્યું હતું કે, ચીની પક્ષ તરફથી અમારા વચ્ચે તમામ દ્વિપક્ષીય કરોરોનું ઉલ્લંઘન કરી યથાવત સ્થિતિમાં ફેરફાર કરવાના ઉશ્કેરણીજનક વર્તન અને એક પક્ષીય પ્રયાસો હતાં., જેના પરિણામે શાંતિ અને વ્યવસ્થામાં ગંભીર સમસ્યાઓ ઉભી થઈ હતી. તેમણે કહ્યું કે, આનાથી અમારા દ્વિપક્ષીય સંબંધો પર પણ અસર પડી  છે 

LAC સંબંધિત મુદ્દાઓને ઉકેલ લાવવા માટે કરારોનું પાલન આવશ્યક

જો કે, અરિંદમ બાગચીએ આશા વ્યક્ત કરી કે ચીન હકારાત્મક દિશામાં કામ કરશે અને પૂર્વ લદ્દાખમાં એલએસી સંબંધિત અન્ય મુદ્દાઓને ઉકેલવા માટે દ્વિપક્ષીય કરારોનું પાલન કરશે. તેમણે કહ્યું કે વિદેશ મંત્રી જયશંકરે પણ આ મહિનાની શરૂઆતમાં તેમના ચીની સમકક્ષ સાથેની બેઠકમાં આ પર ભાર મૂક્યો હતો.