- ભારતીય વિદ્યાર્થીએ લંડનમાં ફરકાવ્યો કર્ણાટકનો ઝંડો
- ઝંડો ફરકાવવા બદલ સોશિયલ મીડિયા પર થયો ટ્રોલ
- લોકોએ કહ્યું ભારતનો ઝંડો કેમ નહીં?
એક ભારતીય વિદ્યાર્થીએ વિદેશમાં ભારતનો ઝંડો નહીં પરંતુ કર્ણાટકનો ઝંડો ફરકાવ્યો હતો જે સોશિયલ મીડિયા પર ઘણા લોકોને પસંદ ન આવ્યું. અધીશ આર વલી નામના આ યુવકે લંડન યુનિવર્સિટીમાંથી અભ્યાસ કર્યો છે.
તેણે ગ્રેજ્યુએશન ડે વાળા દિવસે પોતાના ગૃહ રાજ્યા કર્ણાટકને સન્માન આપવા માટે સ્ટેજ પર રાજ્યનો ઝંડો ફરકાવ્યો હતો. અધીશે તેનો વીડિયો ટ્વીટર પર શેર કર્યો છે. તેણે જણાવ્યું કે સમારોહમાં રાજ્યનો ઝંડો ફરકાવવો ગર્વની વાત હતી.
ટ્વીટર પર શેર કર્યો વીડિયો
અધીશે ટ્વીટર પર લખ્યું, 'મે લંડનની સિટી યુનિવર્સિટીના બાયેસ બિઝનેસ સ્કૂલમાંથી મેનેજમેન્ટમાં એનએસની સાથે ગ્રેજ્યુએશન કર્યું છે. તે ગર્વની ક્ષણ રહી. જ્યારે મેં લંડનમાં આયોજીત સમારોહ વખતે કર્ણાટક રાજ્યાનો ઝંડો ફરકાવ્યો.'
અધીશે આ વીડિયો 21 જાન્યુઆરીએ શેર કર્યો છે. તને અત્યાર સુધી બે લાખથી વધારે લોકોએ જોઈ લીધો છે. લોકોએ અધીશને કમેન્ટ સેક્શનમાં અભિનંદન પણ આપ્યા છે. જોકે અમુક લોકો તેની આલોચના પણ કરી રહ્યા છે.
સોશિયલ મીડિયા પર લોકોની નારાજગી
એક યુઝરે લખ્યું, "તમારી રાષ્ટ્રીયતા ભારતીય છે, તે તમારા પાસપોર્ટ અને કોલેજના દસ્તાવેજો પણ લખેલું છે. અહીં સુધી કે તમારા બાયોમાં પણ તમે ભારતીય ઉલ્લેખ કર્યો છે. આશા છે કે તમે મારી વાત સમજી રહ્યા હશો. ખેર, તમારી ઉપલબ્ધિ માટે શુભકામનાઓ."
અન્ય એક યુઝરે લખ્યું, "ભારતનો ઝંડો કેમ નહીં? રાજ્યનું ગૌરવ ઠીક છે. પરંતુ રાષ્ટ્રીય ગૌરવની વરીયતા આપવી જોઈએ." એક શખ્સે કહ્યું, "આ સારૂ હતું પરંતુ તમે અહીં ભારતનું પ્રતિનિધિત્વ કરી રહ્યા હતા ન કે કર્ણાટકનું. આખા વિશ્વ માટે તમે ભારતીય છો. સારૂ હોત જો તમે ભારતીય ધ્વ પણ ફરકાવત, જો તમને કર્ણાટકનો ઝંડો ફરકાવવો હતો. નહીં તો ભારતીય ધ્વજને પ્રાથમિકતા આપવા જેવી હતી."
