- ઈન્ડિયન કોમ્પ્યુટર ઈમરજન્સી રિસ્પોન્સ ટીમ દ્વારા જારી કરાઈ એડવાઈઝરી
- અનેક એન્ડ્રોઈડ મોબાઇલ હેક થવાનો ભય
- હેક થતા મહત્વના ડેટાનો દૂરઉપયોગ થાય છે
એન્ડ્રોઈડની લોકપ્રિયતાથી કોઈ અજાણ નથી. ભારત સહિત વિશ્વમાં અસંખ્ય લોકોના મોબાઈલ ફોન આ ઓપરેટિંગ સિસ્ટમ (OS) મુજબ કામ કરે છે. તેવામાં હવે ભારત સરકારે એન્ડ્રોઈડ મોબાઈલ યુઝર્સ માટે એડવાઈઝરી જાહેર કરી. Android OS વર્ઝન 11, 12, 12L અને 13 વાપરતા હેન્ડસેટ યુઝર્સને સૂચના આપી છે. મહત્વનું છે કે Google, Samsung, Realme, Redmi, OPPO, Vivo અને OnePlus કંપનીના ફોન Android OS પર કામ કરતા હોવાથી જો તમે Apple iPhone સિવાય અન્ય કોઈ બ્રાન્ડ જે પણ કંપનીનો ફોન વાપરો છો તેમાં સતર્ક થવાની જરૂરી છે.
હેક થતા મહત્વના ડેટાનો દૂરઉપયોગ
ભારતીયોને ઈન્ટરનેટ અને વર્ચ્યુઅલ વર્લ્ડના ખતરા સામે ઉગારી લેવા માટે આ ચેતવણી જારી કરાઈ છે. ઈન્ડિયન કોમ્પ્યુટર ઈમરજન્સી રિસ્પોન્સ ટીમ (CERT-In) દ્વારા આ એડવાઈઝરી જાહેર કરવામાં આવી છે. સરકારી એજન્સી દ્વારા બહુવિધ નબળાઈઓ મામલે ખુલાસા કરાયા છે. આ ખતરનાક નબળાઈને લઈને હેકર્સ સામાન્ય લોકોના ફોનમાં ઘુસી ડેટાને ચોરી શકે છે. CERT-In ના જણાવાયા અનુસાર ઈલેક્ટ્રોનિક્સ અને ઈન્ફોર્મેશન ટેક્નોલોજી મંત્રાલય હેઠળની આ નબળાઈના પરિણામે હેકર્સ અને સ્કેમર્સ એન્ડ્રોઈડ સ્માર્ટફોન્સમાંથી ખૂબ જરૂરી ગણાતો ડેટાની ચોરી કરે છે. સ્માર્ટફોનમાં બેંકિંગ વિગતો, OTP અને વ્યક્તિગત ડેટા હોય છે. જે હેક થતા મહત્વના ડેટાનો દૂરઉપયોગ થાય છે.
એન્ડ્રોઇડ ફોન માટે ખતરનાક
CERT-In અનુસાર નબળાઈની મદદથી Android OS પર કામ કરતા હેન્ડસેટના ફ્રેમવર્ક, સિસ્ટમ, Google Play સિસ્ટમ, MediaTek ઘટકો, Unisoc ઘટકો, Qualcomm ઘટકો વગેરે સાથે ચેડા થઈ શકે છે. યુઝર્સને જાણ વગર તેના એક્સેસ સામે વાળાને મળી જતા મોટા સ્કેમ થઈ શકે છે. આ સ્કેમથી બચવા માટે કંપની દ્વારા સત્તાવાર રીતે સમયાંતરે સિક્યુરિટી અપડેટ કરવાનું હોય છે.. ઘણા વપરાશકર્તાઓ આ અપડેટ્સને બિનજરૂરી માની ઓએસને અપડેટ કરતા નથી. આવું ન કરવું અને સમયાંતરે અપડેટ કરતા રહેવું જોઈએ.
