સ્પેસ / VIDEO : પૃથ્વીથી 3.5 અબજ પ્રકાશવર્ષ દૂર દેખાઈ આ રહસ્યમયી વસ્તુ, ભારતીય વૈજ્ઞાનિકે પકડી, અબજો સૂર્ય સમાઈ શકે

• નાસામાં ભારતીય ખગૌળશાસ્ત્રીએ કરી વિશાળ બ્લેક હોલની શોધ 
• અબજો સૂર્ય સમાઈ શકે તેટલો બ્લેક હોલ મોટો 
• પૃથ્વીથી 3.5 અબજ પ્રકાશવર્ષ દૂર

અવકાશમાં બ્લેક હોલ એક રહસ્યમયી વર્લ્ડ છે જેનો કોઈ પ્રારંભ નથી કે કોઈ અંત નથી. અહીંથી પ્રકાશ પણ પસાર થઈ શકતો નથી. એકવાર કોઈ તેની અંદર જાય છે પછી તે ક્યારેક પાછો આવી શકતો નથી. બ્લેક હોલમાં સમય અને સ્થળની કોઈ મર્યાદા નથી. 

ભારતીય ખગૌળશાસ્ત્રીએ શોધ્યો બ્લેક હોલ 
નાસામાં ભારતીય ખગૌળશાસ્ત્રીએ અવકાશમાં એક વિશાળ બ્લેક હોલની શોધ કરી છે. તેમણે જેમ્સ વેબ સ્પેસ ટેલિસ્કોપની મદદથી અત્યાર સુધી જોયેલા સૌથી દૂરના અને સૌથી મોટા બ્લેક હોલની શોધ કરી છે. આ બ્લેક હોલની વિશાળતાનો અંદાજ એ વાત પરથી લગાવી શકાય છે કે તેનો વ્યાપ 10થી 100 મિલિયન સૂર્યની વચ્ચે હોઈ શકે છે. એટલે કે તેની અંદર અબજો સૂર્ય સમાઈ શકે. નાસાના વૈજ્ઞાનિકોએ આ બ્લેક હોલનું નામ UHZ1 રાખ્યું છે. આકાશગંગામાં જોવા મળી રહેલો આ બ્લેક હોલ તેના વિકાસના પ્રારંભિક તબક્કામાં છે. તે પહેલાં ક્યારેય જોવામાં આવ્યો નથી. તેનો વ્યાપ આકાશગંગા જેવો અનંત છે.  UHZ1 બ્લેક હોલ પૃથ્વીથી 3.5 અબજ પ્રકાશવર્ષ દૂર છે. આ ગેલેક્સી ક્લસ્ટર એબેલ 2744ની દિશામાં છે. નાસાએ પોતાના સોશિયલ મીડિયા પ્લેટફોર્મ પર આ બ્લેક હોલની તસવીર પણ શેર કરી છે.

વિકાસના પ્રારંભિક તબક્કામાં છે UHZ1
કારણ કે આ બ્લેક હોલ હજુ પણ તેના વિકાસના પ્રારંભિક તબક્કામાં છે. આ સિવાય તે અગાઉ ક્યારેય જોવા મળ્યું નથી. તેથી તેનો અભ્યાસ કરીને ખગોળશાસ્ત્રીઓ અવકાશ અને બ્લેક હોલ વિશે વધુ માહિતી મેળવી શકે છે.

શું છે બ્લેક હોલ
એ અવકાશની તે અંધકારમય દુનિયા છે, જેમાં ભૌતિકશાસ્ત્રનો કોઈ નિયમ નથી. અહીં ગુરુત્વાકર્ષણ એટલું શક્તિશાળી છે કે જે અંદર જાય છે તે બહાર નીકળી શકતું નથી. બ્લેક હોલને અવકાશનો રાક્ષસ પણ કહી શકાય. પ્રકાશ પણ તેમાંથી પસાર થઈ શકતો નથી. સમય અને સ્થળની કોઈ મર્યાદા નથી. વિશાળ તારાના મૃત્યુ બાદ બ્લેક હોલ બની શકે છે.