રિપોર્ટ / સમૃદ્ધ દેશોની નાગરિકતા લેવામાં ભારતીયો અવ્વલ, જાણો કયા દેશમાં કેટલાં લોકો છે સ્થાયી

• અમીર દેશોની નાગરિકતા લઈ રહ્યા છે ભારતીયો
• આ મામલે ભારતીય નાગરિકો સૌથી આગળ 
• OECD રિપોર્ટમાં થયો મોટો ખુલાસો 

ભારતના નાગરિક દુનિયાભરના અલગ અલગ દેશોમાં વસેલા છે. ઘણા યુરોપીયન દેશો અને અમેરિકામાં તો હવે ભારતીય મૂળના લોકો ચુંટણી પણ જીતી રહ્યા છે અને દેશના મોટા પદો પર પહોંચી ગયા છે. હાલના આંકડા અનુસાર અમીર દેશોની નાગરિકતા લેવામાં ભારતીય નાગરિક સૌથી આગળ છે. 

તેમાં અમેરિકા એવો દેશ છે જ્યાં ભારતીય નાગરિક મોટી સંખ્યામાં જઈને વસી રહ્યા છે. ભલે ભારત અને કેનેડાનો વિવાદ ચાલી રહ્યો છે પરંતુ અમેરિકાની સાથે સાથે કેનેડામાં જઈને વસનાર ભારતીય નાગરીકોની સંખ્યા પણ ખૂબ ઝડપથી વધી રહી છે. 

ભારતીયો સૌથી આગળ 
OECDના રિપોર્ટ અનુસાર કેનેડાની નાગરિકતા વાળા ભારતીયોની સંખ્યામાં 174 ટકાનો વધારો થયો છે. ગયા વર્ષે OECD દેશોની નાગરિકતા લેનાર લોકોની સંખ્યામાં કુલ 28 લાખ એટલે કે 25 ટકાનો વધારો થયો છે. રિપોર્ટ અનુસાર નાગરિકતા લેનાર લોકોની સંખ્યામાં કુલ 28 લાખ એટલે કે 25 ટકાનો વધારો થયો છે. રિપોર્ટ અનુસાર 2019થી જ આ દેશોની નાગરિકતા લેનારમાં ભારતીય નાગરિક સૌથી આગળ છે. 

કયા દેશોના લોકોએ લીધી સૌથી વધારે નાગરિકતા 
વર્ષ 2019માં ભારતના 1.55 લાખ લોકોએ અને 2021માં 1.32 લાખ લોકોએ OECD દેશોની નાગરિકતા લીધી. ત્યાં જ મેક્સિકોના 1.28 લાખ લોકોએ 2019માં અને 1.18 લાખ લોકોએ 2021માં નાગરિકતા લીધી. ભારતીયોને સૌથી વધારે નાગરિકતા આપવાના મામલામાં પહેલા નંબર પર અમેરિકા, બીજા નંબર પર ઓસ્ટ્રેલિયા અને ત્રીજા નંબર પર કેનેડા છે.