World cup / વર્લ્ડ કપ 2023 જોવા માટે પડાપડી: ભારત-પાકિસ્તાન મેચ થઈ હાઉસફૂલ, 1 કલાકમાં વેચાઈ ટિકિટો, જુઓ કઈ રીતે થાય છે બુકિંગ

• 5 ઓક્ટોબરથી ICC વનડે વર્લ્ડ કપ શરૂ થશે
• 14 ઓક્ટોબરના રોજ ભારત અને પાકિસ્તાન વચ્ચે રમાશે મેચ
• 25 ઓગસ્ટથી ટિકીટોનું બુકિંગ શરૂ

5 ઓક્ટોબરથી ICC વનડે વર્લ્ડ કપ શરૂ થશે અને 19 નવેમ્બરના રોજ ફાઈનલ મેચ રમવામાં આવશે. આ ટૂર્નામેન્ટની પ્રથમ મેચ ઈંગ્લેન્ડ અને ન્યુઝીલેન્ડ વચ્ચે નરેન્દ્ર મોદી સ્ટેડિયમમાં રમાશે સેમી ફાઈનલ મેચ મુંબઈ અને કોલકાતામાં રમાશે. ODI વર્લ્ડ કપ 2023 ભારતમાં યોજાવાનો છે. 14 ઓક્ટોબરના રોજ ભારત અને પાકિસ્તાન વચ્ચે પહેલી મેચ રમવામાં આવશે. આ મેચ અમદાવાદના નરેન્દ્ર મોદી સ્ટેડિયમમાં રમવામાં આવશે. ICCના આદેશ અનુસાર ભારત સિવાય અન્ય ટીમની મેચની ટિકીટોનું બુકિંગ 25 ઓગસ્ટથી શરૂ થઈ ગયું છે. 

મંગળવાર સાંજથી બુક માય શો પર ભારતીય ટીમની મેચ માટેની ટિકીટોનું બુકિંગ શરૂ કરવામાં આવ્યું હતું. આ ટિકીટોનું બુકિંગ માત્ર માસ્ટરકાર્ડ ધારકો માટે હતું. તેમ છતાં પોર્ટલ ક્રેશ થવાને કારણે ફેન્સે ખૂબ જ રાહ જોવી પડી હતી. ભારત અને પાકિસ્તાનની મેચની ટિકીટનું વેચાણ ફટાફટ થઈ ગયું હતું. અનેક યૂઝર્સે ટિકીટ બુક કરવા માટે 11 કલાક સુધી રાહ જોવી પડી હતી. ક્રિકેટપ્રેમીઓ આજથી ટિકીટનું બુકિંગ કરાવી શકશે. બાકી ટિકીટોનું બુકિંગ આજથી શરૂ થશે. 

વોર્મ-અપ શિડ્યૂલનું એલાન
ICCએ વનડે વર્લ્ડ કપ માટે વોર્મ-અપ શિડ્યૂલનું એલાન કરી દીધું છે. વોર્મ-અપ મેચ 29 સપ્ટેમ્બરથી શરૂ થશે અને 3 ઑક્ટોબર સુધી ચાલશે. રોહિત શર્માની ટીમ પહેલી વોર્મ-અપ મેચ 30 સપ્ટેમ્બરનાં ગુવાહટીમાં ઈંગ્લેન્ડની સામે રમશે. જ્યારે ભારતીય ટીમ પોતાની દ્વિતીય વોર્મ-અપ મેચ 3 ઑક્ટોબરનાં નેધરલેન્ડની સામે રમશે.