- ભારત-પાકિસ્તાનની ટીમ ફરી એકવાર આમને સામને ટકરાશે
- ઇન્ડિયાના આ ત્રણ ખેલાડીઓ ખુબ જ મહત્વના સાબિત થશે
- ગિલ, શ્રેયસ અય્યર અને ઈશાન કિશનના પર તમામની નજર અટકી
India vs Pakistan Asia Cup 2023: એશિયા કપ 2023માં ભારત-પાકિસ્તાનની ટીમ ફરી એકવાર આમને સામને ટકરાશે. જેને લઈને ચાહકોમાં જબરો ઉત્સાહ જોવા મળી રહ્યો છે, ભારત અને પાકિસ્તાન વચ્ચે લીગ સ્ટેજની પ્રથમ મેચ 2 સપ્ટેમ્બરે યોજાશે. આં મેચની મેજબાની શ્રીલંકાના કેન્ડી શહેરને મળી છે. તો બંને ટીમ સુપર-4 માટે ક્વોલિફાઈ કરશે તો ભારત અને પાકિસ્તાન વચ્ચે 10 સપ્ટેમ્બરે ફરી એકવાર મેચ થશે. આં મેચ ટીમ ઇન્ડિયાના ત્રણ ખેલાડીઓ માટે ખુબ જ મહત્વના સાબિત થનારા છે. આં ત્રણેય એવા ખેલાડી છે જે પહેલીવાર પાકિસ્તાન સામેની મેચ માટે મેદાન પર ઉતરશે.
પાકિસ્તાન વિરુદ્ધની મેચમાં શુભમન ઓપનર?
ટીમ ઇન્ડિયાના યુવા બેટ્સમેન શુભમન ગિલને પહેલીવાર એશિયા કપમાં સ્થાન મળ્યું છે. પાકિસ્તાન વિરુદ્ધની મેચમાં શુભમનને ઓપનિંગ બેટ્સમેન તરીકે ઉતારવામાં આવી શકે છે. શુભમન ગિલના ઇન્ટરનેશનલ કરિયરની વાત કરીએ તો તે અત્યારસુધીમાં 27 વન દે મેચ, રમ્યા છે જેમાં તેણે 1437 રન બનાવ્યા છે. જેમાં 4 સેન્ચુરી અને 6 ફિફ્ટી ફટકારી છે.
શ્રેયસ અય્યર પર બધાની નજર રહેશે
ટીમ ઇન્ડિયાના સ્ટાર બેટ્સમેન શ્રેયસ અય્યર ઇજાણે કારણે બહાર હતો, હાલમાં જ તેણે વાપસી કરી છે. કહેવામાં આવી રહ્યું છે કે પાકિસ્તાન વિરુદ્ધની મેચમાં તેનું સ્થાન નક્કી જ છે. મજાની વાત એ છે કે અય્યરે પણ અત્યાર સુધીમાં પાકિસ્તાન વિરુદ્ધ એક પણ મેચ રમી નથી. તેના ઇન્ટરનેશનલ કરિયરની વાત કરીએ તો 42 વન દે મેચમાં તેણે 1631 રન બનાવ્યા છે. જેમાં 2 સદી અને 14 ફિફ્ટી ફટકારી છે.
ઈશાન કિશનને મળી શકે છે તક
વિકેટકીપર બેટ્સમેન ઇજાને કારણે એશિયા કપની શરૂઆતની બે મેચ માટે બહાર રહેશે. એવામાં ઈશાન કિશનને વિકેટકીપર બેટ્સમેન તરીકે તક આપવામાં આવી શકે છે. જો ઈશાન કિશનને તક મળશે તો પાકિસ્તાન સામે તેમની આં પ્રથમ મેચ હશે. ઈશાન કિશને અત્યાર સુધીમાં 17 વન ડે મેચમાં 694 રન બનાવ્યા છે. જેમાં 1 સદી અને 6 ફિફ્ટી સામેલ છે.
