એલર્ટ / ગલવાનમાં ચીનના દગા બાદ, સરહદ પર તણાવ, ITBPની 180 પોસ્ટ પર કરવામાં આવ્યું આ કામ

• આઇટીબીપીની 180 પોસ્ટ્સ પર હાઇ એલર્ટ
• ઉત્તરાખંડ, હિમાચલ, અરુણાચલ, લદ્દાખમાં તકેદારી
• ભારત-ચીન સરહદ પર પેટ્રોલિંગ વધાર્યું

આઇટીબીપીએ પેટ્રોલિંગમાં વધારો કર્યો 

સૂત્રોના જણાવ્યા અનુસાર, આઇટીબીપીના જવાનોએ ચીનની હિલચાલ પર નજર રાખવા માટે ઘણી જગ્યાએ એલઆરપી (લોંગ રેન્જ પેટ્રોલિંગ) અને એસઆરપી (શોર્ટ રેન્જ પેટ્રોલિંગ) ની સંખ્યામાં વધારો કર્યો છે. સરહદ પર ચીનના દરેક વર્તન પર નજર રાખવામાં આવી રહી છે.

180 થી વધુ સરહદ ઓઉટ પોસ્ટ એલર્ટ

ઉલ્લેખનીય છે કે આઇટીબીપી ભારત-ચીન સરહદ પર નજર રાખવા માટે જવાબદાર છે. ગલવાનમાં ચીનની છેતરપિંડી અને ષડયંત્રને લીધે  20 ભારતીય સૈનિકોને શહીદ થયા છે. આ પછી ઉત્તરાખંડ, હિમાચલ, અરુણાચલ અને લદ્દાખમાં ભારત-ચીન સરહદ પરની તમામ 180 સરહદ ચોકીઓને એલર્ટ કરી દેવામાં આવી છે. તાજેતરમાં આઈટીબીપીએ લદ્દાખમાં સરહદ ચોકી પર 1500 વધારાના જવાનો તૈનાત કર્યા હતા.

લાહૌલ-સ્પીતી નજીક ચોકી

સુરક્ષાને સુનિશ્ચિત કરવાના સાવચેતીના પગલા તરીકે હિમાચલ પ્રદેશમાં કિન્નૌર અને લાહૌલ-સ્પીતી નજીક એક એલર્ટ જાહેર કરવામાં આવ્યું છે. રાજ્ય સરકારે મંગળવારે આ માહિતી આપી હતી. રાજ્ય સરકારે કહ્યું કે ગુપ્તચર એજન્સીની માહિતી પછી આ પગલું ભરવામાં આવ્યું છે અને રાજ્યના તમામ ગુપ્તચર એકમોને પણ એલર્ટ કરવામાં આવ્યા છે.

ચીન યથાસ્થિતિ બદલવા માંગતુ હતુ

આ તરફ ભારતના વિદેશ મંત્રાલયે કહ્યું છે કે ચીન એક્ચ્યૂઅલ  લાઇન ઓફ કંટ્રોલ (એલએસી) ની હાલની સ્થિરતાને બદલવા માંગે છે અને ચીન દ્વારા યથાસ્થિતિમાં ફેરફારના પ્રયાસના પરિણામ રુપે સોમવારે હિંસક અથડામણ થઈ હતી.

વિદેશ મંત્રાલયના અધિકારી પ્રવક્તા અનુરાગ શ્રીવાસ્તવે જણાવ્યું હતું કે એલએસીની સ્થિતિ બદલવા માટે ચીની બાજુનો  એકતરફી રીતે પ્રયાસ થયો હતો. શ્રીવાસ્તવે કહ્યું કે આ અથડામણમાં બંને પક્ષના સૈનિકો જાનહાનિ થઈ છે. આ  પરિસ્થિતિ ટાળી શકાય છે. તેમણે ચીનની નિંદા કરતા કહ્યું કે ઉચ્ચ સ્તરે થયલા કરારને ચીને તોડી નાંખ્યો હતો.