- વિપક્ષી ગઠબંધનને ત્રીજો ઝટકો
- મોટો સાથી જેડીયુએ પણ ફાડ્યો છેડો
- એનડીએમાં જોડાશે
26 વિપક્ષી પાર્ટીઓના ગઠબંધન ઈન્ડીયાને ત્રીજો મોટો ઝટકો લાગવાની તૈયારીમાં છે. નીતિશ કુમાર ઈન્ડીયા ગઠબંધનમાંથી નીકળે એનડીએમા સામેલ થાય તે લગભગ નક્કી છે. નીતિશ પહેલા મમતા બેનરજી અને અરવિંદ કેજરીવાલે પણ ઈન્ડીયા ગઠબંધનમાં નહીં પરંતુ અલગ રહીને પોતપોતાના રાજ્ય બંગાળ અને દિલ્હીમાં લોકસભાની ચૂંટણીઓ લડવાની જાહેરાત કરી છે.
ઈન્ડીયા ગઠબંધનમાંથી કોણ કોણ બહાર
મમતા બેનરજી
અરવિંદ કેજરીવાલ
અને હવે નીતિશ કુમાર
3 મોટી પાર્ટીઓ ઈન્ડીયા ગઠબંધમાંથી આઉટ
મમતા બેનરજીની ટીએમસી, કેજરીવાલની આમ આદમી પાર્ટી અને નીતિશ કુમારની જેડીયુ ઈન્ડીયા ગઠબંધનમાંથી બહાર નીકળી ગઈ છે. આગામી સમયમાં બીજી પાર્ટીઓ પણ બહાર નીકળી શકે છે.
નીતિશ ફરી એનડીએ સાથે સરકાર બનાવશે
બિહારના રાજકારણમાં ભારે હલચલ મચી ગઈ છે. આરજેડી સાથેના તણાવ વચ્ચે નીતિશ કુમાર ફરી એકવાર રાજ્યમાં નવી સરકાર બનાવવાની કોશિશ કરી રહ્યા છે. સૂત્રો દ્વારા જાણવા મળે છે કે નીતિશ કુમાર એનડીએ સાથે મળીને સરકાર બનાવવા જઈ રહ્યા છે. તેઓ 28 જાન્યુઆરીએ 9મી વખત મુખ્યમંત્રી તરીકે શપથ લઈ શકે છે. તેમની સાથે સુશીલ મોદીને ડેપ્યુટી સીએમ બનાવવામાં આવી શકે છે. જેડીયુએ પોતાના તમામ ધારાસભ્યોને તાત્કાલિક પટના આવવા માટે કહ્યું છે. જેડીયુએ પણ પોતાના તમામ કાર્યક્રમો રદ્દ કરી દીધા છે. 28મી જાન્યુઆરીએ પટનામાં મહારાણા પ્રતાપ રેલી યોજાવાની હતી, તે પણ રદ કરવામાં આવી છે. ભાજપના તમામ નેતાઓ દિલ્હીમાં હાઈકમાન્ડ સાથે શ્રેણીબદ્ધ બેઠકો કરી રહ્યા છે. એનડીએના સહયોગી પક્ષોના નેતાઓ સાથે પણ વાતચીત ચાલી રહી છે.
ભાજપ નીતિશને ફરીથી સીએમ બનાવવા સંમત
કહેવામાં આવી રહ્યું છે કે ભાજપ અને નીતીશ કુમાર વચ્ચે ડીલ ફાઈનલ થઈ ગઈ છે. ભાજપ ફરી નીતીશને ગળે લગાડવાની તૈયારીમાં લાગે છે. રાજકીય વર્તુળોમાં અનેક પ્રકારની ફોર્મ્યુલા વહેતી થઈ રહી છે. એક સૂત્ર એ છે કે કદાચ એસેમ્બલી વિસર્જન કરી દેવી જોઈએ. પરંતુ એવી પણ સંભાવના છે કે ભાજપ નીતિશને ફરીથી મુખ્યમંત્રી બનાવવા માટે રાજી થઈ શકે છે. હવે આ ફોર્મ્યુલા લગભગ અંતિમ બની રહી છે.
