- ભારત અને શ્રીલંકાનીT20 ઈન્ટરનેશનલ સિરીઝ 3 જાન્યુઆરીથી શરૂ
- આ ટીમમાં કોઈ યુવા બેટ્સમેનને સ્થાન મળી શકે છે
- આ સીરિઝમાં કેપ્ટન રોહિત શર્મા અને વિરાટ કોહલી નહીં રમે
ભારત અને શ્રીલંકા વચ્ચે ત્રણ મેચની T20 ઈન્ટરનેશનલ સિરીઝ 3 જાન્યુઆરીથી શરૂ થવા જઈ રહી છે અને શ્રીલંકા સામેની આ T20 શ્રેણી માટે આજે ટીમ ઈન્ડિયાની જાહેરાત થઈ શકે છે. એવામાં ભારતીય ટીમના કેમ્પમાંથી એક મોટી માહિતી સામે આવી રહી છે. સાથે એવા અહેવાલો પણ આવી રહ્યા છે કે આ ટીમમાં કોઈ ડેશિંગ યુવા બેટ્સમેનને સ્થાન મળી શકે છે.
આ યુવા બેટ્સમેનને સ્થાન મળશે
ટીમ ઈન્ડિયાને પોતાની કેપ્ટનશીપમાં અંડર-19 વર્લ્ડ કપ જીતાડનાર યશ ધુલને હવે સિનિયર ટીમમાં એન્ટ્રી મળી શકે છે. સમાચાર અનુસાર યશ ધૂલને શ્રીલંકા સામેની ટી-20 સીરિઝમાંમાં તક આપવામાં આવી શકે છે. શ્રીલંકા સામે યશ ધુલને મોકો આપવાનું સૌથી મોટું કારણ છે તેનું ટેલેન્ટ અને લગાતાર રન બનાવવાની કાબિલિયત. 20 વર્ષના આ બેટ્સમેને ઘણા ઓછા સમયમાં ક્રિકેટના ત્રણેય ફોર્મેટમાં તેનો કમાલ બતાવીને દીધો છે.
8 T20 મેચમાં 72.60ની એવરેજથી 363 રન બનાવ્યા
જો યશ ધુલના T20 પ્રદર્શનની વાત કરીએ તો આ ખેલાડીએ 8 T20 મેચમાં 72.60ની એવરેજથી 363 રન બનાવ્યા છે. આ દરમિયાન યશ ધુલેએ ત્રણ અડધી સદી પણ ફટકારી છે સાથે જ તેના બેટમાંથી 11 છગ્ગા અને 36 ચોગ્ગા પણ નીકળ્યા છે. આ સાથે જ યશ ધુલે લિસ્ટ A મેચોમાં પણ તેનું સારું પ્રદર્શન બતાવ્યું છે, ફર્સ્ટ ક્લાસ મેચોમાં આ જમણા હાથના બેટ્સમેને 60થી વધુની એવરેજથી 939 રન બનાવ્યા છે જેમાં 4 સદીનો સમાવેશ થાય છે.
કેપ્ટન રોહિત શર્મા અને વિરાટ કોહલી નહીં રમે
જણાવી દઈએ કે શ્રીલંકા વિરૂદ્ધ ટી20 સિરીઝ 3 જાન્યુઆરીથી શરૂ થવાની છે અને તેમાં કેપ્ટન રોહિત શર્મા અને વિરાટ કોહલી નહીં રમે તેવા અહેવાલો મળ્યા છે. એ મળતા અહેવાલો અનુસાર રોહિત હજુ સંપૂર્ણ રીતે ફિટ નથી અને કોહલીએ પણ આ મેચમાંથી બ્રેક માંગ્યો છે. સાથે જ તમને જણાવી દઈએ એ યશ ધુલ સિવાય આ સીરિઝમાં રવીન્દ્ર જાડેજા પણ આંતરરાષ્ટ્રીય ક્રિકેટમાં પુનરાગમન કરી શકે છે. એશિયા કપ સમયે જાડેજાને ઈજા થઈ હતી એટલા માટે તે વર્લ્ડ કપમાં રમી શક્યો નહોતો.
