ટી 20 વર્લ્ડ કપ / હર્ષલ પટેલની બોલ પર ઘાયલ થયો કોહલી, થોડા સમય માટે આખી ટીમ ઈન્ડિયાનું વધી ગયું ટેન્શન!

• પ્રેક્ટિસ સેશન દરમ્યાન વિરાટ કોહલીને થઇ ઈજા
• હર્ષલ પટેલની બોલિંગમાં વિરાટને જાંઘમાં થઇ ઈજા
• ઈજાગ્રસ્ત થવાથી કોહલી નેટ્સમાંથી જતા રહ્યાં હતા  

સેમી ફાઈનલ મેચ પહેલા વિરાટ થયો ઈજાગ્રસ્ત 

આઈસીસી ટી20 વર્લ્ડ કપ 2022માં ભારત પોતાની સેમી ફાઈનલ મેચ 10 નવેમ્બરે ઈંગ્લેન્ડ સામે રમશે. 9 નવેમ્બરે એડિલેડ ઓવલ મેદાન પર જ્યારે ભારતીય ટીમ પ્રેક્ટિસ માટે પહોંચી તો આ દરમ્યાન વિરાટ કોહલી ઈજાગ્રસ્ત થયા. હર્ષલ પટેલની બોલિંગમાં વિરાટને જાંઘમાં ઈજા થઇ. ત્યારબાદ તેઓ નેટ્સમાંથી જતા રહ્યાં. રેવસ્પોર્ટ્સે વિરાટના ઈજાના અહેવાલ ટ્વિટર પર શેર કર્યા. જો કે, ત્યારબાદ અહેવાલ આવ્યાં કે વિરાટ કોહલીને હવે સારું છે અને તેમણે પ્રશંસકોની સાથે સેલ્ફી પણ લીધી છે.

વિરાટે ટી20 વર્લ્ડ કપ 2022માં સૌથી વધુ રન બનાવ્યાં

આ મેગા ઈવેન્ટમાં વિરાટ કોહલી સારા ફોર્મમાં છે. વિરાટે આ આઈસીસી ટી20 વર્લ્ડ કપ 2022માં તો સૌથી વધુ રન બનાવ્યાં છે. આ ટુર્નામેન્ટના ઈતિહાસમાં પણ હવે તેમના નામે સૌથી વધુ રન નોંધાયેલા છે. સુપર-12 રાઉન્ડ દરમ્યાન વિરાટ કોહલીએ પાંચ ઈનિંગમાં 123ની સરેરાશ અને 138.98ની સ્ટ્રાઈક રેટથી કુલ 246 રન બનાવ્યાં છે. તો વિરાટ બાદ ટી20 વર્લ્ડ કપ 2022માં ભારત તરફથી બીજો સૌથી વધુ રન બનાવનાર બેટર સૂર્યકુમાર યાદવ છે. 

સૂર્યકુમાર યાદવે 193.97ની સ્ટ્રાઈક રેટથી કુલ 225 રન બનાવ્યાં

સૂર્યકુમાર યાદવે પાંચ મેચમાં 75ની સરેરાશ અને 193.97ની સ્ટ્રાઈક રેટથી કુલ 225 રન બનાવ્યાં છે. ભારતે પાંચમાંથી ચાર મેચ જીતીને ગ્રુપ-2માં ટોપ પર રહીને સેમીફાઈનલની ટિકિટ કપાવી. ભારત માત્ર એક મેચ દક્ષિણ આફ્રિકા સામે હાર્યુ છે.