- ટીમ ઈન્ડિયાએ ઑસ્ટ્રેલિયા ટીમની જીત મેળવી
- કેએલ રાહુલ અને વિરાટ કોહલીની પાર્ટનરશીપ રંગ લાવી
- મેચ બાદ રાહુલે કિંગ કોહલીનાં સુપર પ્લાન વિશે જણાવ્યું
ટીમ ઈન્ડિયાએ વર્લ્ડ કપ 2023ની પોતાની પહેલી જ મેચમાં ઑસ્ટ્રેલિયા જેવી મજબૂત ટીમને 6 વિકેટથી માત આપી છે. ચેન્નઈની સ્પિન લેતી કઠીન વિકેટ પર ટીમ ઈન્ડિયાએ વિજય મેળવ્યો છે. ઑસ્ટ્રેલિયાએ ટીમ ઈન્ડિયા માટે 200 રનનો લક્ષ્ય રાખ્યો હતો. ભારતે પહેલી 3 વિકેટ માત્ર 2 રનમાં ગુમાવી દીધી. પણ વિરાટ અને રાહુલની જોડીએ ટીમ ઈન્ડિયાને જીત અપાવી. રાહુલે સિનિયર ખેલાડી કોહલીનાં પ્લાન અંગે મીડિયાને જણાવ્યું.
3 દિગ્ગજ ખેલાડીઓ 0 પર આઉટ
200 રનનો લક્ષ્ય પૂરો કરવાની રેસમાં ટીમ ઈન્ડિયાની 2 રન પર 3 વિકેટ પડી ગઈ. કેપ્ટન રોહિત શર્મા, ઈશાન કિશન અને શ્રેયસ અય્યર ત્રણેય 0 પર આઉટ થયાં. આ બાદ કોહલીએ રાહુલની સાથે કમાન સંભાળીને 165 રનની પાર્ટનરશીપ કરી. કોહલીએ 116 બોલ પર 85 રનની ઈનિંગ રમી. જેમાં છ ચોગ્ગાં હતાં.
મેચમાં 165 રનની પાર્ટનરશીપ
ઑસ્ટ્રેલિયાની સામે 97 રનની ઈનિંગ રમીને ભારતને વર્લ્ડકપની પોતાની પહેલી મેચમાં 6 વિકેટ પર જીત અપાવનારા કેએલ રાહુલે કહ્યું કે પૂર્વ કેપ્ટન વિરાટ કોહલીએ શરૂઆતી ઓવરોમાં વિકેટો પડ્યાં બાદ તેમને ટેસ્ટ મેચની જેમ બેટિંગ કરવાની સલાહી આપી હતી. રાહુલ અને કોહલીએ આ મેચમાં 165 રનની પાર્ટનરશીપ કરી હતી.
કોહલીનો પ્લાન
મેન ઓફ ધ મેચ બનેલા રાહુલે મેચ બાદ કહ્યું કે,' હું અને કોહલી વધારે વાત નહોતા કરી રહ્યાં. હું શરૂઆતમાં સંભાળીને રમવાનો પ્રયાસ કરી રહ્યો હતો. હું નાહીને ડ્રેસિંગરૂમમાં બેઠો જ હતો કે ત્રણ વિકેટ પડી ગઈ. કોહલીએ મને કહ્યું કે રિસ્ક વગરનાં શોટ્સ રમવાની સાથે-સાથે થોડીવાર માટે આપણને ટેસ્ટ ક્રિકેટની જેમ મેચ રમવી પડશે. ઈનિંગની શરૂઆતમાં ફાસ્ટ બોલર્સને મદદ મળી રહી હતી પણ પછીથી ધુમ્મસનાં કારણે પરિસ્થિતિઓ બેટ્સમેન માટે સરળ થઈ ગઈ.'
આ જીતનો શ્રેય વિરાટ અને રાહુલની પાર્ટનરશીપને..
છગ્ગો લગાડીને ટીમને જીત અપાવનારા બેટ્સમેન રાહુલે કહ્યું કે,' હું છેલ્લે-છેલ્લે વિચારી રહ્યો હતો કે હું કઈ રીતે 100 રન સુધી પહોંચી શકું છું. મેં વિચાર્યું કે જો એક ચોગ્ગો અને એક છગ્ગો ફટકારવામાં આવે તો આ શક્ય છે. મેં ચોગ્ગો લગાડવાનો પ્રયાસ કર્યો પણ બોલનો બેટ સાથે સંપર્ક સારી રીતે થઈ ગયો. મને તો વિશ્વાસ જ નહોતો કે હું ક્યારેય પણ સદી ફટકારી શકીશ.'
