ધરપકડ / સ્કૂલવાનમાં સુરક્ષિત નથી ગુજરાતની દીકરીઓ: વડોદરામાં પણ સામે આવ્યો કેસ, અડપલાં કરતો હતો આધેડ

• સંસ્કારી નગરીને વડોદરાને શર્મસાર કરતો કિસ્સો સામે આવ્યો 
• સ્કૂલ વાનમાં જતી 14 વર્ષની વિધાર્થીની સાથે અ઼ડપલા 
• 54 વર્ષીય વાન ચાલકે કર્યા શારીરિક અડપલા 

 વડોદરાના આધેડ સ્કૂલ વાન ચાલકની ધરપકડ કરવામાં આવી 54 વર્ષીય વાન ચાલક વિદ્યાર્થિનીઓ સાથે કરતો હતો. અડપલાં અન્ય વિદ્યાર્થિનીઓને ઉતારી દઈ એકલી રહેતી વિદ્યાર્થિની સાથે કરતો હતો શારીરિક અડપલાં વિદ્યાર્થિનીએ વાલીને વાત કરતા સમગ્ર મામલો સામે આવ્યો વાલીની ફરિયાદના આધારે ગોત્રી પોલીસે આગળની કાર્યવાહી હાથ ધરી છે. 

પોલીસે આરોપીને ઝડપી પાડી પૂછપરછ હાથ ધરી
મળતી માહિતી મુજબ વાસણા-ભાયલીમાં રહેતી 14 વર્ષીય વિદ્યાર્થીનીને સ્કૂલવાનનાં 54 વર્ષીય ડ્રાયવર દ્વારા શારીરીક અડપલા કરતો હતો. જે બાબત વિદ્યાર્થીની દ્વારા તેનાં પરિવારજનોને જાણ કરતા પરિવારજનો દ્વારા આ સમગ્ર બાબતે ગોત્રી પોલીસ મથકે ફરિયાદ નોંધાવતા પોલીસે આરોપીને પકડી પાડી તેની પૂછપરછ હાથ ધરી હતી. 

ડ્રાયવર અવાર નવાર વિદ્યાર્થીનીની એકલતાનો લાભ લઈ છેડછાડ કરતો હતો
વડોદરા શહેરના વાસણા- ભાયલી વિસ્તારમાં રહેતી 14 વર્ષીય વિદ્યાર્થીને સ્કૂલમાં આવવા જવા માટે સ્કૂલવાન બંધાવવામાં આવી હતી. સ્કૂલ વાનનાં 54 વર્ષીય ડ્રાયવર ગોપાલસિંહ અમરસિંહ ચૌહાણ અવાર નવાર વિદ્યાર્થીનીની એકલતાનો લાભ લઈ તેની સાથે છેડછાડ કરતો હતો. 

વધુ વાંચોઃ ક્યારેક દિવસ, તો ક્યારેક મુહૂર્તનું બહાનું કરી નહોતી બનાવતી સંબંધ: 12 વર્ષથી પત્નીથી પરેશાન પતિ, હવે હાઇકોર્ટે આપ્યો 'ન્યાય'

વિદ્યાર્થીની દ્વારા આ બાબતે પરિવારજનો તેમજ યોગ ટીચરને કરી
સ્કૂલ વાનનાં ડ્રાયવર ગોપાલસિંહ અમરસિંહ દ્વારા તે વિદ્યાર્થીની સિવાય વાનનાં બીજા બાળકોને સ્કૂલેથી ઘરે પહેલા ઉતારી દેતો હતો.  તેમજ સ્કૂલ જતી વખતે પહેલા વિદ્યાર્થીનીને લેતો હતો. ત્યારે ગોપાલસિંહ દ્વારા અવાર નવાર કરવામાં આવતા આવા અડપલાથી પરેશાન થઈ વિદ્યાર્થીની દ્વારા આ સમગ્ર બાબત તેનાં પરિવારજનો તેમજ યોગ ટીચરને કરી હતી. જે બાદ ગોત્રી પોલીસ મથકે ફરિયાદ નોંધાવતા પોલીસે ગુનો નોંધી ડ્રાઈવરની ધરપકડ કરી આગળની કાર્યવાહી હાથ ધરી હતી.