વાયરલ વીડિયો / જૂનાગઢ દત્તાત્રેયની જગ્યામાં સૂત્રોચ્ચાર કરી વાતાવરણ ડહોળવાનો પ્રયાસ, ચોક્કસ સમુદાય લોકો સામે પોલીસમાં અરજી

• ગિરનારમાં દત્તાત્રેયના મંદિરમાં હોબાળો 
• ચોક્કસ સમુદાયના લોકોએ કર્યો હોબાળો
• સૂત્રોચ્ચાર કરી વાતાવરણ ડહોળવાનો પ્રયાસ 

જૂનાગઢના ગિરનારમાં દત્તાત્રેયના મંદિરમાં વાતાવરણ ડોહળવાનો પ્રયાસ કરવામાં આવ્યો છે. ભારે સૂત્રોચ્ચાર સાથે ચોક્કસ સમુદાયના લોકોએ દત્તાત્રેયની જગ્યામાં હલ્લાબોલ કર્યો હતો. તેમજ આ લોકો દ્વારા મૂર્તિ સાથે છેડછાડનો પણ પ્રયાસ કરવામાં આવ્યો હતો.

વાયરલ વીડિયો/ જૂનાગઢ દત્તાત્રેયની જગ્યામાં સૂત્રોચ્ચાર કરી વાતાવરણ ડહોળવાનો પ્રયાસ, ચોક્કસ સમુદાય લોકો સામે પોલીસમાં અરજી#gujaratnews #junagadhnews #viralvideo #vtvgujarati pic.twitter.com/w9ohJpiPBo

— VTV Gujarati News and Beyond (@VtvGujarati) October 1, 2023

પુજારીએ પોલીસ સ્ટેશનમા અરજી કરી
આ લોકો દ્વારા 'ગિરનાર અમારો છે' તેવા સુત્રોચ્ચાર ઉચ્ચારવામાં આવ્યા હતાં. જો કે, આ સમગ્ર મામલે જગ્યાના પુજારી દીપક બાપુએ ભવનાથ પોલીસ સ્ટેશનમા અરજી પણ આપી છે. એક સંઘના લગભગ 250 જેટલા ભાઈઓ તેમજ બહેનો દત્તાત્રેય આવ્યા હતા. જેમનો વિડિયો પણ વાયરલ થઈ રહ્યો છે. જો કે, પોલીસે સમગ્ર મામલે હાલ તપાસ હાથધરી છે.

વાયરલ વીડિયો
જે વાયરલ વીડિયોમાં જોઈ શકાય છે કે, આ લોકો દ્વારા તંગ પરિસ્થિતિ ઉભી થાય તેવા પ્રયાસો પણ કરવામાં આવી રહ્યાં છે. જે લોકોના ટોળામાં કેટલીક મહિલાઓ પણ જોવા મળી રહી છે. તેમજ ત્યાં પડેલી ખુરશી ઉંધી કરતી પણ એક મહિલા જોવા મળે છે. આ દરમિયાન ભારે હલ્લા બોલનો પણ માહોલ જોવા મળી રહ્યો છે.