12 દિવસ / રાજકોટના ચર્ચિત મહેન્દ્ર ફળદુ આપઘાત કેસમાં પોલીસના હાથ ટુંકા પડતા હોય તેવી સ્થિતિ, એક પણ આરોપી રડારમાં નહીં

• રાજકોટનાં ચર્ચિત મહેન્દ્ર ફળદુ આપધાત કેસ 
• હજુ સુધી એક પણ આરોપીઓનો પત્તો નહિ
• રાજકીય ઓથ હેઠળ આરોપીઓ પકડથી બહાર ? 

પખવાડીયા પૂર્વે રાજકોટના બિલ્ડર મહેન્દ્ર ફળદૂએ કરેલા  આપઘાત કેસમાં તપાસ મંથર ગતિએ ચાલે છે કે, આરોપીઓના સગડ મળતા નથી તે એક ચર્ચાનો વિષય છે પરંતુ, એ હકિકત છે કે, 
ઓઝોન ગૃપના 7 ડિરેક્ટરો હજી પણ પકડથી દૂર હજુ સુધી દૂર છે. આપઘાતના બનાવને 12 દિવસ બાદ થયા છતાં પણ આરોપી પકડથી દૂર હોવાની બાબતે ફરિ એક વાર ચર્ચા જાગી છે. ઓઝોન ગ્રુપના સાતેય ડીરેક્ટર દેશમાં છે કે વિદેશ નાસી ગયા છે ? તે એક રહસ્ય છે અને ફળદુનાં આપધાત  બાદ, જેટલો સમય મળ્યો તેટલામાં જ ઓઝોનના ડીરેકટર ફરાર થી ગયા હોવાનું અનુમાન પણ થઇ રહ્યું છે.ત્યારે બે આરોપીઓ વિરુદ્ધ લૂક આઉટ નોટિસ જાહેર કરાઈ છે.

 પખવાડીયા પૂર્વે રાજકોટના બિલ્ડર મહેન્દ્ર ફળદૂએ કરેલા  આપઘાત કેસમાં અમિત ચૌહાણ અને અતુલ મહેતા સામે લૂક આઉટ નોટિસ જાહેર કરવામાં આવી છે. જેમાં આરોપી દિપક પટેલ વિશ્વ ઉમિયા ફાઉન્ડેશનના ઉપપ્રમુખ છે. પોલીસે  4 ટીમ બનાવી તપાસ હાથ ધરી હોવા છતાં  એક પણ આરોપી હજુ સુધી હાથ નથી લાગ્યો. આ જ મુદ્દે આરોપીઓ રાજકીય વગ ધરાવતા હોવાથી રક્ષણ અપાઇ રહ્યું છે હોવાની ચર્ચાએ પણ વેગ પકડ્યો છે. સાથોસાથ રાજકીય વગ ધરાવતા આરોપીઓ સામે પોલીસ વામણી પુરવાર થઇ હોવાની વાત પણ ચોરે અને ચૌટે ચર્ચાઈ રહી છે. અગાઉ રાજકોટમાં તોડ કાંડમાં બદનામ થઇ ચુકેલી પોલીસ પર આ કેસમાં પણ  આરોપીઓને બધા સેટિંગ પાર પાડવા સમય આપી રહી હોવાની વાત પણ સમાજમાં ચર્ચાય છે. આ જ મુદ્દે આરોપીઓ બહાર રહેશે તો પુરાવાઓ સાથે છેડછાડ થવાની સંભાવનાને પણ નકારી શકાતી નથી