ચોંકાવનારી ઘટના / પબજીના રવાડે ચઢેલા 16 વર્ષીય દીકરાને ઠપકો આપવો પિતાને ભારે પડ્યો, માર્યો ધક્કો, TV પણ ફોડી નાખ્યું

• સુરતમાં વાલીઓ માટે લાલબત્તી સમાન કિસ્સો 
• ગેમિંગના રવાડે ચડેલા કિશોરનું કારસ્તાન
• કિશોરે પિતા સાથે કર્યુ ગેરવર્તન 

Surat News: ઓનલાઈન ગેમ રમતા બાળકો માટે લાલબત્તી સમાન કિસ્સો સામે આવ્યો છે. ઓનલાઈ ગેમ રમતા પુત્રનો કડવો અનુભવ સુરતના પરિવારને થયો છે. ઓનલાઈન ગેમિંગના રવાડે ચડેલા કિશોરે પિતા સાથે ગેરવર્તન કર્યુ છે. ગેમમાં રૂપિયા હારી ગયેલા કિશોરને પિતાએ ઠપકો આપતા તેણે પિતાને ધક્કો મારી ટીવી ભોડી નાંખ્યું હતું.

લાલબત્તી સમાન કિસ્સો
સુરતમાં ઓનલાઈન ગેમિંગના રવાડે ચડેલા કિશોરે પોતાના પિતાને ધક્કો માર્યો છે. વાત જાણે આમ છે કે, ગેમમાં રૂપિયા હારી ગયેલા કિશોરને પિતાએ ઠપકો આપતા તેણે પિતા સાથે ગેરવર્તન કર્યું હતું. ગુસ્સામાં આવેલો કિશોરે ઘરનું TV પણ ફોડી નાખ્યું હતું. પરિવારે પોલીસ સ્ટેશનની મદદથી બાળકને સમજાવવાનો પ્રયાસ કર્યો હતો

ગેમિંગના રવાડે ચડતા યુવાનો
આજકાલ ઓનલાઈન ગેમિંગના રવાડે ચડેલા યુવાનો દેવાના ડુંગર તળે દબાઈ જાત છે તેમજ માનસિક સંતુલન પણ ગુમાવી બેસે છે. જેમાં પણ ઓનલાઈન જુગાર રમાડતી ગેમ એપ્લિકેશનની જ્યારે ભરમાર જોવા મળી રહી છે ત્યારે આવા સમયે મોબાઈલ વપરાશકર્તાઓ આવી એપ્લિકેશનની જાળમાં ફસાઈ જતા જોવા મળે છે.આવો જ એક બનાવ સુરતથી સામે આવ્યો જ્યાં એક કિશોર માનસિક સંતુલન ગુમાવી પરિવાર સાથે ગેરવર્તન કર્યો છે