કળજુગ / સાબરકાંઠામાં માતા-પિતાની ગેર હાજરીમાં દોઢ વર્ષના બાળકનું દાદીએ જ ઢીમ ઢાળી દીધુ

• સાબરકાંઠામાં દાદીએ પૌત્રની હત્યા કરી 
• માતા-પિતાની ગેરહાજરીમાં દાદીનું કૃત્ય 
• ખેડબ્રહ્મા પોલીસે મહિલાની કરી  ધરપકડ

સાબરકાંઠામાં દાદીએ પૌત્રની હત્યા કરી દીધાની ચોંકાવનારી ઘટના સામે આવી છે. ખેડબ્રહ્મામાં દાદીએ દોઢ વર્ષના પૌત્રની હત્યા કરી નાંખી છે. બાળકના માતા-પિતા મજૂરીકામ માટે રાજસ્થાન ગયા હતા, તે સમયે આ ઘટના બની હતી. પૌત્રની હત્યા કયા કારણોસર કરવામાં આવી તે કારણ હજુ અકબંધ છે. આ મામલે ખેડબ્રહ્મા પોલીસે મહિલાની ધરપકડ કરીને વધુ કાર્યવાહી હાથ ધરી છે.

નસવાડીમાં પુત્રએ કરી પિતાની હત્યા 

તાલુકાના દામણીયા આંબા ગામે પુત્રએ જ પિતાની હત્યા કર્યાનો બનાવ બન્યો છે. આરોપી પુત્રએ તુવેર ન વેચવા દેવા જેવી નજીવી બાબતે પોતાના પિતાની હત્યા કરી છે. આરોપી પુત્રને ગામની દુકાનમાં 40 રૂપિયા ચુકવવાના બાકી હતા. જેથી તેણે તુવેર વેચવાનું વિચાર્યું હતું. જેમાં પિતા સહમત ન થતાં લાકડી અને લોખંડની પરાઈથી તેની હત્યા કરવામાં આવી છે. જે બાદ પોલીસે ગણતરીના કલાકમાં આરોપી પુત્રની ધરપકડ કરી છે.