મેઘરજ / વશીકરણ કરતાં ઢોંગીને પોલીસે ફિલ્મી સ્ટાઈલમાં પકડ્યો: કરોડપતિ બનાવવાનું સપનું બતાવી ખેડૂત પર કરી હતી મેલી વિદ્યા

• મેઘરજમાં સામે આવ્યો ચોંકાવનારો કિસ્સો
• પોતાને મહાત્માજી ગણાવતા શકશે આચરી છેતરપિંડી
• પોલીસે ફરિયાદ નોંધી કાર્યવાહી હાથ ધરી

નાણાંની લાલચએ બુરી બલા છે. કોઈપણ વ્યક્તિ એકના ડબલ અથવા અન્ય કોઈ રૂપિયા કમાવવાની લાલચમાં ફસાઈ જતા હોય છે. ત્યારે પોતાના પર રૂપિયાનો જાણે વરસાદ થશે તેવા સપનામાં અંધ બની જતા હોય છે. આવી જ એક ઘટના મેઘરજમાં સામે આવી છે. મેઘરજ તાલુકાના રોલા ગામેથી સામે આવેલ વિગત ઠગાઈની વિગત એવી છે કે એક શખ્સ કાર સાથે આવી રસ્તે જતા છાપરા ગામના અન્ય એક ખેડૂતને રસ્તો પૂછવા લાગ્યો હતો. ત્યારબાદ કારમાં મહાત્માજી બેઠેલા હોવાનું કહી દર્શન કરવા વ્યક્તિને પ્રેરિત કર્યો હતો. આથી તે કારમાં પોતાને મહાત્મા ગણાવતા શખ્સના દર્શન માટે ગયો હતો.

 

ગુરુના પ્રભાવમાં અંધ બન્યો વ્યક્તિ

આ દરમિયાન છેતરપિંડી કરવા માટે ગાડીમાં પોતાને ગુરુ ગણાવતા શખ્સે ફૂલ આપ્યું હતું અને આ ફૂલ સૂંઘતાની સાથે જ ખેડૂતને જાણે ઠગ મહાત્માની માયા લાગી હોય તેમ પોતાના ખિસ્સામા રાયેલા 5 હજાર રૂપિયા મહાત્માજીને આપી દીધા હતા. બાદમાં ગુરુના પ્રભાવમાં અંધ બનેલા બીટીછાપરાના આ વ્યક્તિ મહાત્માને કાર સાથે પોતાના નિવાસસ્થાને લઈ ગયો હતો.

કારમાંથી મેલી વિદ્યા માટે વપરાતા ખોપડી સહિતની સામગ્રી મળી

જ્યા ઠગ ટોળકીએ અને એકના ડબલની લાલચ આપતા તેણે ઘરમાં રાખેલ પોતાના તમામ નાણાં મહાત્માજીને ધરી દીધા હતા. બાદમાં પરિવારજનોને અજુગતું લાગતા શંકા જતા પરિવારજનોએ ઇસરી પોલીસને જાણ કરી દીધી હતી. જેને લઈને પોલીસે દોડી આવી ઠગબાજોને દબોચી લીધા હતા. જોકે આ પ્રકરણમાં એક શખ્સ પોલીસને હાથતાળી આપી નાશી છૂટવામાં સફળ રહ્યો હતો. કારમાંથી મેલી વિદ્યા માટે વપરાતા ખોપડી સહિતની સામગ્રી પણ મળી આવી હતી.  પોલીસની પૂછપરછ પ્રમાણે આ શખ્સ દહેગામ તરફનો હોવાનું જાણવા મળી રહ્યું છે.