રાજકારણ / 25 જાન્યુઆરીએ છોટાઉદેપુર બંધનું એલાન,આદિવાસી માટે અપમાનજનક શબ્દો વપરાતા ભયંકર રોષ

• છોટા ઉદેપુરમાં આદિવાસી મામલે રાજકરણ ગરમાયું
• આદિજાતિ વિકાસની જાહેરાતમાં અપમાનજનક શબ્દ
• વિપક્ષનેતાએ 25 જાન્યુઆરીએ આપ્યુ બંધનું એલાન

25 જાન્યુઆરી છોટાઉદેપુર જિલ્લા બંધનું એલાન

છોટાઉદેપુરમાં ગુજરાત આદિજાતિ વિકાસ કોર્પોરેશન આપવામાં આવેલી જાહેરાત અંગે ભારે વિવાદ સર્જાયો છે. જેને લઈને હવે વિપક્ષ નેતા સુખરામ રાઠવાની મોટી જાહેરાત કરી છે. તેમણે જણાવ્યું હતું કે, અગામી 25 જાન્યુઆરીએ છોટાઉદેપુર જિલ્લામાં બંધનું એલાન અપાયું છે. અને આ સાથે આવતીકાલે જિલ્લા કલેક્ટરને આવેદનપત્ર આપી આ અંગે રજૂઆત કરશે. 

સુખરામ રાઠવાએ સરકાર પર કર્યા પ્રહારો

સુખરામ રાઠવાએ જણાવ્યું હતું કે, આદિવાસી સમાજ માટે ઇસમ જેવા શબ્દના પ્રયોગ કરનાર સામે કડકમાં કડક કાર્યવાહ હાથ ધરવામાં આવે  આ સાથે આદિવાસી સમાજ માટે અપમાનજનક શબ્દ બદલ સરકાર માફી માંગે તેમણે ઉમેર્યુ કે, ઇસમ શબ્દનો પ્રયોગ પોલીસ આરોપીઓ માટે કરે છે.