- બોસ્નિયા અને હરઝગોવિનામાં કર્મચારીઓની કામચોરીના કારણે કંટાળી ગયા રાષ્ટ્રપતિ
- રાષ્ટ્રપતિએ અપના હાથ જગન્નાથની માફક ડિવાઈડર ઉપર ઉગતા ઘાસને કાપવાનું શરૂ કર્યું
- નજારો જોવા લોકો ઉમટી પડ્યા
વિશ્વના તમામ દેશોમાં રાષ્ટ્રપતિના પદને મહત્વનું સ્થાન આપવામાં આવ્યું છે. તેઓ પ્રથમ નાગરિક ઉપરાંત બંધારણીય વડા છે. પરંતુ એક એવો દેશ છે જ્યાં કર્મચારીઓની કામચોરીના કારણે કંટાળી ગયેલા રાષ્ટ્રપતિએ અપના હાથ જગન્નાથની માફક ડિવાઈડર ઉપર ઉગતા ઘાસને કાપવાનું શરૂ કરી દીધું હતું. બોસ્નિયા અને હરઝગોવિનામાંથી આ ઘટના સામે આવી હતી. જ્યા સર્બ બહુલ રિપબ્લિકા સર્પ્સકાના પ્રમુખ પોતે રસ્તા વચ્ચે ઘાસ કાપતા દેખાયા હતા. તેઓએ વિપક્ષ સંચાલિત પાલિકાના કામ સામે અસંતોષ વ્યકત કર્યો હતો. જેના કામનો વીડિયો પણ સોશિયલ મીડિયામાં શેર કરવામાં આવ્યો હતો. મહત્વનું છે કે બોસ્નિયા અને હરઝગોવિનામાંથી એક સાથે ત્રણ રાષ્ટ્રપતિ સત્તામાં છે. જે અલગ અલગ સમુદાયની આગેવાની કરે છે.
રિપબ્લિકા સર્પ્સકાના પ્રમુખ મિલોરાડ ડોડિકે પ્રાદેશિક રાજધાની બાંજા લુકામાં રસ્તા પર ઊગી નીકળેલ ઘાસ કાપી સાફ કર્યું હતું. રશિયન ટીવીના અહેવાલ મુજબ તેને ઘાસ કાપતો જોઈને રસ્તા પર ટ્રાફિક જામ થઈ ગયો હતો. જે ટ્રાંફિક ક્લિયર કરાવવા ખૂબ સમય લાગ્યો હતો.ડોડિકે ટ્વીટ કરીને અધિકારીઓને આ સ્થળ સાફ રાખવા બાબતે આપીલ કરી હતી.
સોશિયલ મીડિયા પર શેર કરવામાં આવી રહેલા એક મિનિટ લાંબા વીડિયોમાં નેતા હાઇવે વચ્ચે ઘાસ કાપતા દેખાઈ રહ્યા છે. આ નીંદણ વાહનચાલકોની વિઝિબિલિટીમાં અવરોધ ઊભો કરીને ટ્રાફિકને જોખમ ઉભું કરી રહ્યા હતા. જ્યા કટિંગ કામગીરી હાથ ધરતાની સાથે જ નજારો નિહાળવા લોકો ઉમટ્યા હતા. જ્યા વાહનોના ઠપ્પા લાગ્યા હતા. તો લોકોએ હોર્ન વગાડીને પણ કામના વખાણ કર્યા હતા.
