આકાશી આફત / જૂનાગઢમાં ભયંકર વરસાદ બાદ પરિસ્થિતિ ગંભીર: હેલિકોપ્ટરથી લોકોને કરાયા રેસ્ક્યૂ, અન્ય ઘટનામાં બે યુવકો નદીમાં તણાયા

• જૂનાગઢમાં 2 લોકોનુ હેલિકોપ્ટરથી રેસક્યૂ
• જામનગરથી હેલિકોપ્ટરની મદદ લેવાઈ
• 2 લોકો વરસાદને કારણે ફસાયા હતા

સૌરાષ્ટ્ર પંથકમાં અવિરત વરસાદ વરસી રહ્યો છે. જેને લઈ અનેક માર્ગ પર પાણી ભરાયા છે તેમજ ખેતરોમાંથી પાણી માર્ગ પર વહેતા થયા છે. ભારે વરસાદને કારણે ખેતરોમાં પાણી-પાણી થયા છે. આ બધાની વચ્ચે જૂનાગઢના કેશોદના સુત્રેજ ગામે ફસાયેલા 2 લોકોનુ હેલિકોપ્ટરથી રેસક્યૂ કરાયું છે જ્યારે બાલાગામમાં 2 યુવાનો ઓશા ગામની નદીમાં તણાયા છે.

2 લોકોનુ હેલિકોપ્ટરથી રેસક્યૂ કરાયું
ભારે વરસાદના પગલે જૂનાગઢમાં જળબંબાકાર જેવા દર્શ્યો સર્જાયા છે. જૂનાગઢના કેશોદના સુત્રેજ ગામે ફસાયેલા 2 લોકોનુ હેલિકોપ્ટરથી રેસક્યૂ કરાયું છે. અત્રે તમને જણાવી કે, 2 લોકો 14 કલાકથી વધારે સમયથી ફસાયા હતા અને રેસ્ક્યૂ માટે જામનગરથી હેલિકોપ્ટરની મદદ લેવાઈ હતી. સ્થાનિકો અને વહીવટી તંત્રએ બચાવ કાર્ય માટે પ્રયાસ હાથ ધર્યો હતો. NDRFની ટીમને સફળતા ન મળતા હેલિકોપ્ટરની મદદ લેવાઈ હતી. ખેતરનુ ધ્યાન રાખવા ગયેલા 2 લોકો વરસાદને કારણે ફસાયા હતાં જેમનું ભારે રેસ્કૂય કરી બચાવી લેવાયા છે. 

 2 યુવાનો ઓશા ગામની નદીમાં તણાયા
તો બીજી તરફ જૂનાગઢ જિલ્લાના બાલાગામમાં 2 યુવાનો ઓશા ગામની નદીમાં તણાયા હતા. સ્થાનિકોએ એક યુવાનનું રેસ્ક્યુ કર્યું હતું જ્યારે એક યુવાન હજુ લાપતા છે. અંકિત રાઠોડ અને ભરત ઉચડીયા નામના 2 યુવાનો તણાયા હતા તેમજ ભરત ઉચડીયાને રેસ્ક્યુ કરી બચાવ્યો જ્યારે અંકિત રાઠોડ હજુ લાપતા છે. જે બાબાતે સ્થાનિકોએ મામલતદારને અને અધિકારીઓને જાણ કરી છે