- દરરોજ યોગ્ય માત્રામાં પાણી પીવાથી વૃદ્ધત્વ પડે છે ધીમું
- ઓછું પાણી પીવાથી શરીરમાં સોડિયમની માત્રા વધી જાય છેઃ રિસર્ચ
- દરરોજ પૂરતા પ્રમાણમાં પાણી પીવાથી જીવન રોગમુક્ત બનેઃ રિસર્ચ
દરરોજ યોગ્ય માત્રામાં પાણી પીવાથી વૃદ્ધત્વ ધીમી ગતિએ આવે છે. તેમજ તેનાથી થતી સમસ્યાઓનું જોખમ પણ ઓછું હોય છે. જો આપણે યોગ્ય માત્રામાં પાણી પીએ તો જૂની બીમારીઓ ફરી થવાની શક્યતાઓ પણ ઘટી જાય છે. એક સંશોધન અનુસાર ઓછું પાણી પીવાથી શરીરમાં સોડિયમની માત્રા વધી જાય છે. જેના કારણે ઉંમર 15 વર્ષ સુધી ઓછી થઈ શકે છે.
ઉંદરો પર સંશોધન કરવામાં આવ્યું
અગાઉ કરેલ સંશોધનના પરિણામોના આધારે સંશોધકોએ અહેવાલ આપ્યો હતો કે ઓછું પાણી પીવાથી વૃદ્ધત્વની પ્રક્રિયા ઝડપી બને છે. તેમણે ઉંદરો પર એક અભ્યાસ કર્યો. જેમાં તેમને જીવનભર ઓછું પાણી આપવામાં આવ્યું. આનાથી તે ઉંદરોમાં પ્રતિ લીટર સોડિયમનું પ્રમાણ પાંચ ગણું વધી ગયું અને તેમના આયુષ્યમાં છ મહિનાનો ઘટાડો થયો. આ અભ્યાસ સાબિત કરી રહ્યો છે કે તે માનવ જીવન અને ખાસ કરીને વૃદ્ધાવસ્થામાં પણ ઊંડી અસર કરી શકે છે. તેની અસર ઉંદરોમાં જોઈ શકાય છે. સંશોધનના તારણો કહે છે કે ઉંદરોની તુલનામાં માનવ જીવન 15 વર્ષ સુધી ઘટી શકે છે.
સંશોધકો શું કહે છે
મુખ્ય સંશોધક નતાલિયા દિમિત્રીવાએ કહ્યું કે આપણી સામે મોટો પડકાર છે. જેનો ઉપાયો શોધવાનો છે. જે વહેલા આવતી વૃદ્ધાવસ્થાની પ્રક્રિયાને ધીમી કરી શકે. આ એટલા માટે જરૂરી છે કે ઉંમર સંબંધિત રોગો ઝડપથી વધી રહ્યા છે. રિસર્ચ અનુસાર દરરોજ પૂરતા પ્રમાણમાં પાણી પીવાથી જીવન રોગમુક્ત બને છે. તેનાથી શરીર સ્વસ્થ રહે છે. જેના કારણે વૃદ્ધાવસ્થા મોડી આવે છે. તમે રોગ વિના લાંબુ જીવન જીવી શકો છો. તાપમાનને નિયંત્રિત કરવા અને ચામડી માટે પણ મહત્વપૂર્ણ છે.
દરરોજ કેટલું પાણી પીવું જોઈએ?
પુરુષોએ દરરોજ 3.7 લીટર (11-12 ગ્લાસ) પાણી પીવું જોઈએ
મહિલાઓએ દરરોજ 2.7 લીટર (8-9 ગ્લાસ) પાણી પીવું જોઈએ
ફળો અને અન્ય પીણાં પાણીની ઉણપનો 20 ટકા હિસ્સો બનાવે છે
પાણીના અભાવે શું થાય છે?
શુષ્ક ત્વચા
પેશાબની સમસ્યાઓ
હલિટોસિસ
માથાનો દુખાવો, સુસ્તી
લોહીનું જાડું થવું, જે હૃદયને અસર કરે છે
Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.
