હેલ્થ / ટોયલેટમાં વધારે સમય બેસવાની ટેવ હોય તો તાત્કાલિક ફલ્સ કરી દેજો! નહીંતર આ દર્દનાક બીમારીની પીડા સહન નહીં થાય

• ટોયલેટમાં બેસીને ફોનનો ઉપયોગ કરવાથી પાઈલ્સનું જોખમ વધી શકે છે
• લાંબા સમય સુધી શૌચાલયમાં બેસી રહેવાથી પાઈલ્સનાં દર્દીઓ થઈ શકે છે
• લોકોએ ટોઇલેટમાં 5-10 મિનિટ જ બેસવું જોઈએ

આજકાલ લોકો સ્માર્ટફોનનો ખૂબ ઉપયોગ કરે છે. લોકો ખાતા-પીતા અને મુસાફરી દરમિયાન પણ ફોનનો ઉપયોગ કરતા રહે છે. મોટી સંખ્યામાં લોકો તેમના ફોન પણ ટોયલેટમાં લઈ જાય છે અને ત્યાં લાંબા સમય સુધી બેસી રહે છે. લાંબા સમય સુધી ટોયલેટમાં બેસી રહેવું ખૂબ જ જોખમી સાબિત થઈ શકે છે. ડોકટરોના મતે, આમ કરવાથી લોકો પાઈલ્સના દર્દી બની શકે છે. ટોયલેટમાં બેસીને લાંબા સમય સુધી ફોનનો ઉપયોગ કરવાથી તમારા ગુદામાર્ગ પર દબાણ આવે છે અને તમે યોગ્ય રીતે શૌચ કરી શકતા નથી. જેના કારણે કબજિયાત અને પાઈલ્સ સહિત અનેક ગંભીર બીમારીઓનો ખતરો વધી જાય છે. ક્યારેક ફિશરની સ્થિતિ પણ ઊભી થઈ શકે છે.

નવી દિલ્હીની સર ગંગારામ હોસ્પિટલના પ્રિવેન્ટિવ હેલ્થ એન્ડ વેલનેસ ડિપાર્ટમેન્ટના ડાયરેક્ટર ડૉ.સોનિયા રાવતના જણાવ્યા અનુસાર ટોયલેટ ગયા પછી ફોનનો ઉપયોગ કરવો ખૂબ જ નુકસાનકારક છે. આમ કરવાથી ગુદા પર દબાણ આવે છે અને ત્યાંની નસોમાં સોજો આવી શકે છે. જેના કારણે કબજિયાત અને પાઈલ્સ ની સમસ્યા થઈ શકે છે. જો તમે પાઈલ્સ ના દર્દી છો તો આ ભૂલ ક્યારેય ન કરો. આમ કરવાથી રક્તસ્ત્રાવ થઈ શકે છે અને સ્થિતિ ગંભીર બની શકે છે. લોકોએ ટોઇલેટમાં 5-10 મિનિટ જ બેસવું જોઈએ. આનાથી વધુ સમય બેસી રહેવાથી પાઈલ્સ થઈ શકે છે. દરેક વ્યક્તિએ આ વાતનું ધ્યાન રાખવું જોઈએ અને ફોનને ટોયલેટમાં લઈ જવાની કે લાંબો સમય બેસી રહેવાની ભૂલ ન કરવી જોઈએ.

વધુ વાંચોઃ ડૂબતા વ્યક્તિને તારવો છે? તો અપનાવજો આ 12 ટિપ્સ, નહીં જાય જીવ!

ડોકટરોના મતે, પાઈલ્સથી બચવા માટે, લોકોએ ટોઈલેટમાં ફોન ન લઈ જવા જોઈએ અને શૌચ કરતી વખતે વધુ બળ લગાવવાનું ટાળવું જોઈએ. શૌચાલયમાં લાંબા સમય સુધી બેસવાનું ટાળવું જોઈએ. કબજિયાત પણ પાઈલ્સનું કારણ હોઈ શકે છે. કબજિયાતના દર્દીઓ સામાન્ય રીતે લાંબા સમય સુધી શૌચાલયમાં બેસીને તાણ સાથે શૌચ કરે છે. આવી સ્થિતિમાં કબજિયાતના દર્દીઓએ પણ આનું ખાસ ધ્યાન રાખવું જોઈએ. પાઈલ્સથી બચવા માટે લોકોએ સ્વસ્થ જીવનશૈલી અપનાવવી જોઈએ અને ફાઈબરથી ભરપૂર ખોરાક લેવો જોઈએ. જો કબજિયાત હોય તો ડૉક્ટરની સલાહ લેવી જોઈએ.