દિવસમાં એક કે બે વાર બાથરૂમ જવું સામાન્ય બાબત છે. પોષણ મેળવ્યા પછી જે કચરો રહે છે તે આંતરડામાંથી પસાર થાય છે. પરંતુ વારંવાર અથવા ખોરાક ખાધા પછી પ્રેશ આવવું એ વિટામિનની ઉણપ હોઈ શકે છે. વિટામિન્સનું કામ શરીરના તમામ કાર્યોને જાળવવાનું છે. વિટામિન્સ હાડકાંની મજબૂતાઈ પણ જાળવી રાખે છે. વારંવાર બાથરૂમ જવું કે ઝાડા થવું એ IBS ના લક્ષણો છે. NCBI પર ઉપલબ્ધ સંશોધન દર્શાવે છે કે IBS લક્ષણોથી પીડાતા લોકોમાં વિટામિન ડીની ઉણપ વારંવાર જોવા મળે છે. તેથી આવા લોકોએ વિટામિન ડી આપતો ખોરાક વધુ ખાવો જોઈએ.
IBS ના આ લક્ષણો પર નજર રાખો
ઇરીટેબલ બોવેલ સિન્ડ્રોમ પેટની સમસ્યાઓનું કારણ બને છે. પેટમાં દુખાવો, ખેંચાણ, પેટનું ફૂલવું, ઝાડા, કબજિયાત, થાક, શક્તિનો અભાવ, કમરનો દુખાવો, પેશાબ સંબંધિત સમસ્યાઓ વગેરે તેના લક્ષણો છે.
કોઈપણ હાડકું ગમે ત્યારે તૂટી શકે છે
વિટામિન ડીની ઉણપને કારણે હાડકાં કેલ્શિયમને શોષી શકતાં નથી. ધીરે ધીરે ઓસ્ટીયોપોરોસીસ થાય છે. આમાં હાડકાંની જાડાઈ અને શક્તિ નષ્ટ થઈ શકે છે. જેના કારણે સહેજ પણ પડી જવાથી ફ્રેક્ચર થઈ શકે છે.
આ 8 વસ્તુઓ હાડકાંને મજબૂત બનાવશે
- દૂધ
- ચીઝ
- દહીં
- કોડ લીવર તેલ
- સૅલ્મોન માછલી
- ઇંડા જરદી
- મશરૂમ
- ફોર્ટિફાઇડ ખોરાક
.jpg)
વધુ વાંચો : માથાના દુખાવોનો અકસીર ઈલાજ, નહીં ખાવી પડે દવા, રિસર્ચ પ્રમાણે 7 ઉપાય ખૂબ જ અસરકારક
સૂર્યપ્રકાશ લેવો જરૂરી
વિટામિન ડી માટે સૂર્યપ્રકાશ લેવો જરૂરી છે. જ્યારે સૂર્યના કિરણો શરીર પર પડે છે, ત્યારે તે કુદરતી વિટામિન ડી ઉત્પન્ન કરવાનું શરૂ કરે છે. સવારે 8 થી 10 વાગ્યા સુધી સૂર્યપ્રકાશ લેવો સલામત છે. આ પછી હાનિકારક કિરણોનું પ્રમાણ વધે છે.
VTV Gujarati Newsની તમામ અપડેટ સૌથી પહેલા મેળવવા માટે અહીં ક્લિક કરીને અમારી WhatsApp ચેનલ ફોલો કરો
