- UPI આધારિત ટ્રાન્જેક્શન કરવામાં મુશ્કેલી પડી શકે છે
- NPCIએ આવા UPI ID ને બંધ કરવાનો નિર્દેશ આપ્યો
- 31 ડિસેમ્બરથી ઘણા યુઝર્સના UPI ID બંધ થઈ શકે છે
આગામી દિવસોમાં, Google Pay, Phone Pay અને Paytm યુઝર્સને UPI આધારિત ટ્રાન્જેક્શન કરવામાં મુશ્કેલી પડી શકે છે. તેનું કારણ એ છે કે 31 ડિસેમ્બરથી ઘણા યુઝર્સના UPI ID બંધ થઈ શકે છે.
NPCIએ UPI ID ને બંધ કરવાનો નિર્દેશ આપ્યો
નેશનલ પેમેન્ટ કોર્પોરેશન ઓફ ઈન્ડિયા (NPCI) દ્વારા Google Pay, Paytm અને Phone Payને એક પરિપત્ર જારી કરવામાં આવ્યો છે. આમાં NPCI એ Google Pay, Phone Pay અને Paytm જેવી થર્ડ પાર્ટી એપ્સને 31 ડિસેમ્બર, 2023 થી એક વર્ષથી એક્ટિવ ન હોય તેવા UPI ID ને બંધ કરવાનો નિર્દેશ આપ્યો છે.
સરળ ભાષામાં, આનો અર્થ એ છે કે જો તમે તમારા UPI ID સાથે એક વર્ષ સુધી કોઈ ટ્રાન્જેક્શન કર્યો નથી, તો તે 31 ડિસેમ્બર, 2023 પછી બંધ થઈ જશે. NPCIએ સુપ્રીમ કોર્ટના આદેશ પર Google Pay, Phone Pay અને Paytm જેવી થર્ડ પાર્ટી એપ્સને આ સૂચના આપી છે.
UPI ID જે 1 વર્ષ સુધી ઉપયોગમાં ન લેવાય તેને બંધ કરો
NPCI એટલે કે નેશનલ પેમેન્ટ્સ કોર્પોરેશન ઓફ ઈન્ડિયા એ ભારતની રિટેલ પેમેન્ટ અને સેટલમેન્ટ સિસ્ટમ છે. PhonePe, Google Pay અને Paytm જેવી એપ્સ તેની માર્ગદર્શિકા પર કામ કરે છે. NPCIના પરિપત્રમાં કહેવામાં આવ્યું છે કે UPI ID જે 1 વર્ષ સુધી ઉપયોગમાં ન લેવાય તેને બંધ કરવાનું કારણ યુઝર સિક્યોરિટી છે. વાસ્તવમાં શું થાય છે કે ઘણી વખત યુઝર્સને તેમના જૂના નંબરને ડિલિંક કર્યા વિના નવું ID બનાવે છે, જે ફ્રોડનું કારણ બની શકે છે. આવી સ્થિતિમાં એનપીસીઆઈ દ્વારા જૂના આઈડી બંધ કરવાની સૂચના આપવામાં આવી છે.
આ કારણોસર જૂના આઈડીને બંધ કરવાનો નિર્ણય લેવામાં આવ્યો
શક્ય છે કે તમારો જૂનો નંબર નવા યુઝર્સને જારી કરવામાં આવે. સુપ્રીમ કોર્ટે તેના આદેશમાં કહ્યું છે, 'આ સ્થિતિમાં છેતરપિંડી થવાની સંભાવના છે. આવા જ કારણોસર જૂના આઈડીને બંધ કરવાનો નિર્ણય લેવામાં આવ્યો છે. સુપ્રીમ કોર્ટે તેના તાજેતરના નિર્ણયમાં કહ્યું છે કે ટેલિકોમ સર્વિસ પ્રોવાઈડર કંપનીઓ 90 દિવસ પછી નિષ્ક્રિય થયેલા નંબરને બદલી શકે છે અને તેને અન્ય કોઈને ટ્રાન્સફર કરી શકે છે.
જો તમારું UPI ID છેલ્લા એક વર્ષથી એક્ટિવેટ કરવામાં આવ્યું છે. મતલબ, જો તમે તે UPI ID થી ટ્રાન્ઝેક્શન કરી રહ્યા છો, તો તમારે ચિંતા કરવાની જરૂર નથી.
