ખરાબ સંકેત / હાથમાંથી મીઠું-દૂધ સહિત આ પાંચ વસ્તુ પડી જાય તો માનવામાં આવે છે અશુભ, પૈસાનો ખર્ચો આવે તેવા મળે છે સંકેત

• હાથમાંથી કેટલીક વસ્તુઓ પડવી એ ખરાબ સંકેત 
• વ્યક્તિના આવનારા ખરાબ સમય તરફ કરે ઈશારો 
• મીઠું-દૂધ જો હાથમાંથી પડી જાય તો તે અશુભ સંકેત

ઘણીવાર આપણે ઉતાવળમાં હોઈએ છીએ અને વસ્તુઓ આપણા હાથમાંથી સરકી જાય છે અને પડી જાય છે. જો કે આ બહુ સામાન્ય બાબત છે, પરંતુ વાસ્તુશાસ્ત્રમાં તેને અશુભ માનવામાં આવે છે. એવું કહેવાય છે કે હાથમાંથી વસ્તુઓ પડી જવી એ તોળાઈ રહેલા સંકટની નિશાની છે. તેમની અવગણના ન કરવી જોઈએ. જ્યોતિષ શાસ્ત્ર અનુસાર, આ વસ્તુઓનું હાથમાંથી પડવું એ અશુભ સંકેત છે, તે તમને અચાનક પરેશાનીઓ વિશે ચેતવણી આપે છે. આવો જાણીએ કઈ એવી વસ્તુ છે જેનું પડવું વાસ્તુશાસ્ત્રમાં અશુભ માનવામાં આવે છે.

મીઠું

મીઠાનું આપણા જીવનમાં ખૂબ મહત્વ છે. નમનનો ઉપયોગ માત્ર સ્વાદ વધારવા માટે જ થતો નથી, પરંતુ તેનો સારા નસીબ સાથે પણ ઊંડો સંબંધ છે. જ્યોતિષ શાસ્ત્ર અનુસાર મીઠાને ચંદ્ર અને શુક્ર ગ્રહોનો પ્રતિનિધિ માનવામાં આવે છે. એટલા માટે કહેવાય છે કે હાથમાંથી મીઠું પડી જાય તો તે અશુભ સંકેત છે. મતલબ કે જીવનમાં મુશ્કેલીઓ આવવાની છે.

દૂધ

દૂધ ચંદ્રનો કારક છે. ગેસ પર રાખેલ દૂધ ઉકળે અને છલકાય કે દૂધનો ગ્લાસ હાથમાંથી પડી જાય તો તે સારું નથી માનવામાં આવતું. એવું કહેવાય છે કે દૂધનો છંટકાવ આર્થિક સંકટ સૂચવે છે.

કાળા મરી

કાળા મરીને હાથથી વેરવી એ અશુભ સંકેત માનવામાં આવે છે. કહેવાય છે કે હાથમાંથી કાળા મરી પડી જાય અને વિખેરાઈ જાય તો સંબંધોમાં તિરાડ આવે છે. હાથમાંથી કાળા મરી પડવાથી નકારાત્મકતા વધે છે.

અનાજ

એવું કહેવાય છે કે જમતી વખતે કે પીરસતી વખતે અનાજ પડી જવું એ અશુભ છે. જો ભોજન પીરસતી વખતે હાથમાંથી ખાદ્યપદાર્થો પડી જાય તો તે અન્નપૂર્ણા દેવી મા લક્ષ્મીનું અપમાન છે. તે ઘરમાં ગરીબી દર્શાવે છે.

તેલ

વાસ્તુશાસ્ત્રમાં તેલ ઢોળવું એ અશુભ સંકેત છે. કહેવાય છે કે તેલ શનિનું પ્રતિક છે. એટલા માટે હાથમાંથી વારંવાર તેલ પડવું એ ધન હાનિનો સંકેત છે.