- તનુશ્રી દત્તાએ ફરી એકવાર ચોંકાવનારી પોસ્ટ શેર કરી
- અભિનેત્રીએ MeToo ને લઈને નાના પાટેકર સામે કેસ કર્યો હતો
- પોતાને ધમકીઓ મળી રહી છે કહીને શેર કરી પોસ્ટ
તનુશ્રી દત્તાએ ફરી એક વાર એક લાંબી મોટી પોસ્ટ શેર કરીને બોલિવુડમાં હલચલ મચાવી દીધી છે. ઇન્સ્ટાગ્રામ પર એક લાંબી પોસ્ટ લખીને તેણે ફરી પોતાનું દર્દ વ્યક્ત કર્યું હતું. આશિક બનાયા આપને અભિનેત્રીએ આજે સવારે એક પોસ્ટ શેર કરી હતી અને નાના પાટેકર અને બોલિવૂડ માફિયાઓ પર તેને હેરાન કરવાનો આરોપ લગાવ્યો હતો. આ સાથે જ તેણે ઈન્ડસ્ટ્રીના કેટલાક લોકો અને પત્રકારો પર પણ આરોપ લગાવ્યો છે કે તે પોતાના પર ફેક ન્યૂઝ ચલાવે છે. તનુશ્રીએ ફરી કહ્યું કે ઘણા લોકો તેને નિશાન બનાવી રહ્યા છે અને તે હેરેસ થઈ રહી છે. તેણે એક પોસ્ટમાં પોતાના મનની વાત કહી અને કહ્યું કે જો તેને કંઈ પણ થશે તો તેની જવાબદારી માત્ર અને માત્ર નાના પાટેકર અને બોલિવૂડ માફિયાઓની રહેશે.
.JPG)
મને કંઈ થયું તો નાના પાટેકર જવાબદાર
તનુશ્રીએ પોતાના ફોટો સાથે ઈન્સ્ટાગ્રામ પર લખ્યું- "જો મને ક્યારેય કંઈ પણ થાય તો હું તમને જણાવી દઉં કે #metoo આરોપી નાના પાટેકર, તેના વકીલ, તેના સહયોગીઓ અને તેના બોલિવૂડ માફિયા મિત્રો જવાબદાર છે! બોલિવૂડના માફિયાઓ કોણ છે? એ જ લોકો જેમના નામ સુશાંત સિંહના મૃત્યુના કિસ્સામાં વારંવાર સામે આવ્યા છે."
ફેક ન્યૂઝ ફેલાવનારા પત્રકારો પર પણ નિશાન સાધ્યું
તેણે આગળ જણાવ્યું કે "તેમની ફિલ્મો ન જુઓ, તેમનો સંપૂર્ણ બહિષ્કાર કરો." પોતાની પોસ્ટમાં તનુશ્રીએ પોતાના અને તેના પીઆર વિશે ફેક ન્યૂઝ ફેલાવતા પત્રકારોનો પણ ઉલ્લેખ કર્યો હતો. તેમણે કહ્યું કે તેઓ પણ તેમની સાથે આ અભિયાનમાં જોડાયેલા છે.
મને દેશના લોકો પર વિશ્વાસ
તનુશ્રી દત્તાએ છેલ્લે લખ્યું- 'બધા તેમની પાછળ પડી જાઓ!! તેમના જીવનને નરક બનાવો કારણ કે તેઓએ મને ખૂબ ત્રાસ આપ્યો! કાયદો અને ન્યાયે ભલે મને નિષ્ફળ બનાવી છે, પરંતુ મને આ મહાન રાષ્ટ્રના લોકોમાં મને સંપૂર્ણ વિશ્વાસ છે. " જય હિન્દ... અને આવજો! ફરી મળીશુ...
નાના પાટેકર પર લગાવ્યો હતો MeTooનો આરોપ
તમને જણાવી દઈએ કે તનુશ્રી દત્તા 2018માં ચર્ચામાં આવી હતી, જ્યારે તેણે એક્ટર નાના પાટેકર પર મીટૂનો આરોપ લગાવ્યો હતો. નાના પાટેકર પર યૌન શોષણનો આરોપ લાગ્યા બાદ બધા ચોંકી ગયા હતા. તનુશ્રીના જણાવ્યા અનુસાર, વર્ષ 2009માં ફિલ્મ 'હોર્ન ઓકે પ્લીઝ'ના સેટ પર નાના પાટેકરે આ ગીતના શૂટિંગ દરમિયાન તેની ખૂબ જ નજીક જવાની કોશિશ કરી હતી. તનુશ્રી દત્તા છેલ્લે 2010 માં મૂવી એપાર્ટમેન્ટમાં સિલ્વર સ્ક્રીન પર જોવા મળી હતી.
