- ICCએ જાહેર કર્યો નવો નિયમ
- બોલિંગ કરનાર ટીમે રહેવું પડશે સાવધાન
- નહીં તો દંડ પેટે મળશે 5 રનની પેનલ્ટી
વનડે વર્લ્ડ કપ 2023 બાદ આઈસીસીએ ક્રિકેટમાં નિયમોમાં ફેરફાર કર્યો છે. આ ફેરફાર સ્પીડ લાવવા માટે કરવામાં આવ્યો છે. આઈસીસીએ બોલર માટે પણ ટાઈમ આઉટ જેવા નિયમ બનાવ્યા છે.
આઈસીસીએ મંગળવારે કહ્યું કે જો બોલર એક ઈનિંગમાં ત્રણ વખત ઓવર શરૂ કરવામાં 60 સેકેન્ડથી વધારે સમય લેશે તો બોલિંગ કરી રહેલી ટીમ પર પાંચ રનની પેનલ્ટી લગાવવામાં આવશે. આ નિયમ હાલ પુરૂષ ક્રિકેટમાં વનડે અને ટી20 ફોર્મેટમાં લાગુ કરવામાં આવશે.
શરૂઆતમાં ટ્રાયલ માટે લાગુ કરવામાં આવશે નિયમ
શરૂઆતમાં આ નિયમ ટ્રાયલ માટે લાગુ કરવામાં આવશે અને આગળ તેની ઉપયોગિતા અને પ્રભાવ જોયા બાદ તેને સ્થાયી રીતે લાગુ કરવામાં આવી શકે છે. આ નિર્ણય ICC બોર્ડની બેઠકમાં લેવામાં આવ્યો છે.
ICCએ ડિસેમ્બર 2023થી એપ્રિલ 2024 સુધી પુરૂષોના વનડે અને ટી20 ક્રિકેટમાં પરીક્ષણના આધાર પર સ્ટોપ ક્લોક રજુ કરવા પર સહમતિ વ્યક્ત કરી. આ ઘડિયાળનો ઉપયોગ ઓવરની વચ્ચે લગાતા સમયને ઓછો કરવા માટે કરવામાં આવશે.
શું છે ટાઈમ આઉટ નિયમ?
ICCના નિયમ 40.1.1 અનુસાર બેટ્સમેન આઉટ થાય કે રિટાયર થવાની બીજી બે મિનિટની અંદર બીજા બેટ્સમેનને બોલ રમવા માટે તૈયાર રહેવું પડશે. જો આ પુરૂ નહીં કરવામાં આવે તો આ ટાઈમ્ડ આઉટના દાયરામાં આવશે.
જોકે મેરલિબોન ક્રિકેટ ક્લબના નિયમો હેઠળ ટાઈમ્ડ આઉટ માટે સમય ત્રણ મિનિટ છે પરંતુ વિશ્વકપમાં આઈસીસી નિયમો હેટળ તેના માટે બે મિનિટ રાખવામાં આવી છે. ટાઈમ્ડ આઉટની વિકેટ કોઈ બોલરના ખાતામાં નથી જતી.
ICCએ આ બેઠકમાં એવું પણ નક્કી કર્યું છે કે શ્રીલંકાની ક્રિકેટ ટીમ બોર્ડના સસ્પેન્શન છતાં આંતરરાષ્ટ્રીય મેચ રમી શકે છે. જોકે અંડર-19 વિશ્વ કપ 2024ની મેજબાની શ્રીલંકાથી છીનવીને દક્ષિણ આફ્રીકાના આપવામાં આવી છે.
