મોત વહાલું કર્યું / 'મેં માતા-પિતાને બહુ હેરાન કર્યા, આ ફોટો મઢાવી દિવાલ પર લગાવજો' કહી યુવતીનો ગળાફાંસો

• સુરતમાં બે વિધાર્થીનીઓની આત્મહત્યા 
• પાલનપુર જકાતનાકા,પાંડેસરાની ઘટના
• મુગ્ધાવસ્થામાં  વધ્યું આત્મહત્યાનું પ્રમાણ 

સુરત બે અલગ-અલગ બનાવોમાં બે વિદ્યાર્થિનીઓએ ફાંસો ખાઇ જીવન ટૂંકાવવાની ઘટનાથી ચકચાર મચી ગઈ છે.બે અલાગ-અલગ વિસ્તારની એક જ ઉમરની યુવતીઓએ જુદા-જુદા કારણોસર મોત વહાલું કરી લીધું છે આ બે વિસ્તાર એટલે પાલનપુર જકાતનાકા અને પાંડેસરાની યુવતીઓ છે 

સુરતના પાલનપૂર જકાતનાકા વિસ્તારમાં રહેતી ધોરણ 10 ની વિધાર્થીની શ્રમિક પરિવારમાંથી હતી. યુવતી એ માતા-પિતાના નામે એક ચિઠ્ઠી લખી, ગળાફાંસો ખાઈ લીધો હતો. મૃતકે  માતા-પિતાને ઉદ્દેશી એક ચિઠ્ઠી લખી હતી, જેમાં મારી પાછળ રડતા નહિ, મેં મમ્મી-પપ્પાને દુઃખી કર્યા છે, મેં મુકેલો મારો આ ફોટો મઢાવી દિવાલ પર લગાવજો’આવું લખેલુ  હતું. ઘટના સમયે માતા-પિતા રોજીંદા  મજૂરી કામે ગયા હતા.જ્યાંથી પરતા આવતા તેમના પર આભ તૂટી પડ્યું હતું.      

માતાએ ઠપકો આપ્યો, તો જીવન ટૂંકાવ્યું 

સુરતના પાંડેસરા વિસ્તારમાં બીજી એક આત્મહત્યાની ઘટના ઘટી હતી. જેમાં માતાએ પુત્રીને રસોઈ બાબતે ઠપકો આપતા, પુત્રીને લાગી આવ્યું હતું. ધો.9 ની વિધાર્થીની એ માતાના ઠપકા સામે મોત વહાલું કર્યું. મૂળ ઉતર પ્રદેશના રહેવાસી અને પાંડેસરામાં રહેતા પરિવારની યુવતીને  તેની માતાએ રસોઈ બાબતે ઠપકો આપ્યો હતો. આ સહન ના થતા, પુત્રી પંખા સાથે સાડી બાંધી ગળાફાંસો કહી લીધો હતો