મર્ડર / પ્રેમી સાથે મળી પત્નીએ પતિનું કાસળ કાઢી નાખ્યું, જુનાગઢ વિરડી ગામ હત્યા કેસ પરથી ઉઠ્યો પડદો, એક મેસેજ અને ફૂટી ગયો ભાંડો

• જૂનાગઢમાં પ્રેમ પ્રકરણમાં પતિની હત્યા
• પોલીસે બંને આરોપીઓને ધરપકડ કરી
• મૃતકના માથાના ભાગમાં ઇજા પહોંચાડી હત્યા કરી 

જૂનાગઢ જિલ્લાના માળિયા હાટીના તાલુકાના વિરડી ગામ નજીક થોડા દિવસ પૂર્વે એક 40 વર્ષીય પુરુષનું મૃતદેહ મળી આવવાનો કિસ્સો પ્રકાશમાં આવ્યો હતો. જે અંતર્ગત માળીયા પોલીસે તપાસનો  ધમધમાટ શરૂ કર્યો હતો. મૃતકના પત્નીના ફોનમાં કેટલાક શંકાસ્પદ મેસેજના આધારે હત્યાનો બનાવ બન્યો હોવાનું પણ જાણવા મળ્યું હતું. બાદમાં પોલીસે વધુ તપાસ હાથ ધરતા સમગ્ર મામલો હત્યામાં પલટાયો હતો. મૃતકની પત્ની અને તેના પ્રેમી ભરત વાઢીયાએ  આ હત્યા કરી હતી. માથા અને શરીરના ભાગે ઈઝા પહોંચાડી તેનું મોત નિપજાવ્યું હતું. મૃતક કેન્સરના રોગથી છેલ્લા કેટલાય સમયથી પીડિત હતો અને આર્થિક રીતે સક્ષમ ન હોવાથી તેની પત્ની ભરત વાઢિયા તરફ આકર્ષાઈ હતી. આ બંને વચ્ચે છેલ્લા દોઢ વર્ષ કરતા વધુ સમયથી અફેર ચાલી રહ્યું હતું. પોલીસે હાલ બંને આરોપીઓને ઝડપી પાડી વધુ તપાસ હાથ ધરી છે.

પ્રેમ પ્રકરણમાં પતિની હત્યા
આરોપી ભરત વાઢીયાને એક સંતાન છે જ્યારે મૃતક વિજય પરમારને બે સંતાનો છે અને આરોપી ભરત અમરાપરનો રહેવાશી છે. આરોપી જમીન લે વેચ બાબતે મૃતકના સંપર્કમાં આવ્યો હતો. મૃતક ભાવેશ કાનભાઈ પરમારની પત્ની અને તેના પ્રેમી સહિત કુલ બે હત્યા આરોપીને ઝડપી પોલીસે તાપસનો ધમધમાટ શરૂ કર્યો છે. મૃતકની પત્ની ભરત વાઢીયા નામના શખ્સ સાથે પ્રેમ પ્રકરણ હોવાનું પણ ખુલ્યું છે. માળીયા હાટીના વીરડી ગામના યુવાન ભાવેશના મૃતદેહ વિરડી ગામેથી 0.5 કિલો મીટર દૂર માળીયાહાટીના તરફ જતા પુલ નીચેથી મળી આવ્યો હતો.

ભાવેશની કરપીણ હત્યા
પ્રેમી સાથે મળી મૃતકની પત્નીએ ઘરમાં જ પતિની હત્યા કરી હોવાની કબુલાત કરતા પોલીસે તેની ધરપકડ કરી છે. મૃતકના માથાના ભાગમાં ઇજા પહોંચાડી હત્યા નિપજાવી હતી. ભાવેશની કરપીણ હત્યા કરી મોટર સાયકલ સાથે ફેંકી દીધો હતો. હત્યારાઓએ અકસ્માતમાં ખપાવી દેવાનો પ્રયાસ કર્યો હતો