જામનગર / આ તે કેવી શંકા? : મેલી વિદ્યાના વ્હેમમા પતિ બન્યો હેવાન, પત્ની, પુત્ર પર છરી ફેરવી દેતા પોલીસ દોડી, વિસ્તારમાં સોંપો

• લાલપુરના પીપર ગામનો ચકચારી કિસ્સો
• આરોપીએ પત્ની અને પુત્રને છરીના ઘા ઝીંક્યા 
• પત્ની મેલી વિદ્યા કરતી હોવાની શંકા રાખી હુમલો

મેલી વિદ્યાના શકનો ચોંકાવનારો કિસ્સો પ્રકાસમાં આવ્યો છે. જેમાં લાલપુરના પીપર ગામે પત્ની મેલી વિદ્યા કરતી હોવાની શંકા પરથી હેવાન આરોપીએ પત્ની અને પુત્રને છરીના ઘા ઝીંક્યા હોવાનો કિસ્સો સામે આવ્યો છે. પોતાને કંઇ થઇ જશે તે આશંકાએ પતિએ તેની પત્ની અને બાળકના ગળા પર છરી ફેરવી જીવલેણ હુમલો કરતા ભારે ચકચાર જાગી છે. હાલ પત્ની-પુત્રને જામનગરની જી.જી. હોસ્પિટલમાં ખસેડવામાં આવ્યા છે, જયાં પત્નીની હાલત ગંભીર ગણાવાઇ રહી છે.

સમગ્ર વિસ્તારમા સોપો  પડી ગયો

જામનગર જિલ્લાના લાલપુરમાં રહેતા તુલસી સોલંકી નામના યુવાનને તેની પત્ની જોનીબેન તેના પર દોરા-ધાગા અને મેલી વિદ્યા કરતી હોવાની શંકા રાખી હતી. ત્યારબાદ આ મામલે માથાકૂટ કરી આવેશમાં આવી તુલસીભાઇએ તેની પત્ની જોનીબેનના ગળા પર છરો ફેરવી દેતા ચકચાર જાગી હતી. એટલું જ નહીં પતિએ તેમના પુત્ર પર પણ છરી વડે હુમલો કરતા સમગ્ર વિસ્તારમા સોપો  પડી ગયો હતો.

લાલપુર પોલીસ પણ જામનગર દોડી આવી

આરોપીએ પુત્ર જીવનના ગળા પર પણ છરી મારી દેતા તેને ઇજા થવા પામી હતી. બીજી તકરક દેકારો બોલ્યા બાદ બનાવની આડોશ-પાડોશના લોકોને જાણ થઈ હતી. જેને લઈને આ બાબતે 108ને જાણ કરી હતી અને બંને ઇજાગ્રસ્તોને જામનગરની જી.જી.હોસ્પિટલમાં ખસેડવામાં આવ્યા હતાં, જ્યાં પત્ની જોનીબેનની હાલત ગંભીર ગણાવાઇ રહી છે. બીજી બાજુ પ્રકરણની ગંભીરતાને ધ્યાને લઈને લાલપુર પોલીસ પણ જામનગર દોડી આવી હતી અને નિવેદન નોંધી પતિ તુલસી વિરૂધ્ધ ગુનો દાખલ કરવાની કાર્યવાહી હાથ ધરી હોવાનું જામનગર ગ્રામ્ય  DYSP ડી.પી.વાઘેલાએ જણાવ્યું હતું.