તમારા કામનું / રક્ષાબંધન પહેલા સોનાની ખરીદી કરવા ઈચ્છતા હોવ તો જલ્દી કરો! આ રહ્યા લૅટેસ્ટ રેટ

• સોના-ચાંદીનાં ભાવમાં ઘણો ઉતાર-ચઢાવ જોવા મળી રહ્યો છે
• રક્ષાબંધનનો તહેવાર નજીક છે એટલા માટે આજે સોનાની કિમતમાં થોડો વધારો જોવા મળ્યો
• સોનાની માંગમાં વધારો થવાને કારણે ટૂંક સમયમાં જ તેની કિંમતોમાં ઉછાળો જોવા મળ્યો

છેલ્લા ઘણાં દિવસોથી સોના-ચાંદીનાં ભાવમાં ઘણો ઉતાર-ચઢાવ જોવા મળી રહ્યો છે. હાલ રક્ષાબંધનનો તહેવાર નજીક છે એટલા માટે આજે સોનાની કિમતમાં થોડો વધારો જોવા મળ્યો હતો. છતાં પણ સોનું તેના રેકોર્ડ સ્તરથી ઘણી નીચી કિંમત પર વહેંચાઇ રહ્યું છે. 

22-કેરેટ શુદ્ધતાવાળા સોનાની કિંમત 47,950 પ્રતિ 10 ગ્રામ થઇ હતી. અગાઉ સોનામાં 47,550 રૂપિયાના સ્તરે ખુલીને વેપાર શરૂ થયો હતો. સોનાની માંગમાં વધારો થવાને કારણે ટૂંક સમયમાં જ તેની કિંમતોમાં ઉછાળો જોવા મળ્યો. છેલ્લા ઘણાં સમયથી 22 કેરેટ સોનાની કિંમતમાં વધુ ફેરફાર જોવા મળ્યો નહતો. 

મલ્ટીકોમોડિટી એક્સચેન્જ (MCX) પર સવારે 24-કેરેટ શુદ્ધતાવાળા સોનાની કિંમત 440 રૂપિયા વધીને 52,310 પ્રતિ 10 ગ્રામ થયા હતા. અગાઉ સોનામાં 51,870 રૂપિયાના સ્તરે ખુલીને વેપાર શરૂ થયો હતો. સોનાની માંગમાં વધારો થવાને કારણે ટૂંક સમયમાં જ તેની કિંમતોમાં ઉછાળો જોવા મળ્યો. સોનું હાલમાં તેના અગાઉના બંધ ભાવ કરતાં 0.06 ટકાના ઘટાડા સાથે ટ્રેડ થઈ રહ્યું છે.

વર્ષ 2020નાં ઓગસ્ટ મહિનામાં સોનાની કિંમત તેના ઓલ ટાઈમ હાઈ રેટ પર પંહોચી હતી. એ સમયે 22 કેરેટ સોનાની કિંમત 55,400 હતી. જે હાલ 47,000ની આસપાસ ચાલી રહી છે. 

એ સમયે કિંમત 55,400 હતી. કમોડીટી એક્સપર્ટનું કહેવું છે કે જે રીતે ગ્લોબલ શેર બજાર તૂટી રહ્યું છે એ જોઇને લાગી રહ્યું છે કે આવનાર સમયમાં સોનામાં રોકાણકારોની સંખ્યામાં વધારો થશે. જો કે હાલ બજારમાં જો તમે રોકાણ કર્યું હોય અને તમારા પોર્ટફોલીયોમાં સોનામાં રોકાણ કરેલ છે તો તેને એમ જ રાખો, આવનાર સમયમાં ગ્લોબલ માર્કેટ સાથે ભારતીય માર્કેટમાં પણ સોનાની માંગ વધશે અને કિંમતોમાં ભારે ઉછાળ આવશે.