કાર્યવાહી / ગીર સોમનાથના એલમપુર ગામમાંથી ઝડપાયું ગાંજાનું 114 છોડનું મસમોટું વાવેતર, 51 કિલો ગાંજા સાથે આરોપીની ધરપકડ

• ઉનામાં એલમપુર ગામેથી ઝડપાયું ગાંજાનું વાવેતર
• SOG પોલીસે ખેતરમાં વાવેતર કરેલ યુવકને ઝડપી પાડ્યો
• પોલીસે આરોપી પાસેથી 114 ગાંજાનાં છોડ વાવેતર કર્યા

ગીર સોમનાથનાં ઉનામાં એમલપુર ખાતે ખેતરમાં ગાંજાનું વાવેતર કર્યું હોવાની માહિતી પોલીસને મળતા પોલીસે ખેતરમાં જઈ તપાસ હાથ ધરતા એસઓજી પોલીસે 51 કિલો ગાંજા સાથે આરોપીની ધરપકડ કરી હતી. 

આરોપી શખ્સે 114 છોડનું કર્યું હતું વાવેતર 

રાજ્યમાં છેલ્લા ઘણા સમયથી ખેતરમાં ગાંજાનું વાવેતર કર્યાનાં અનેક બનાવ પોલીસ મથકે નોંધાવવા પામ્યા છે. ત્યારે આવા લોકો સામે પોલીસ દ્વારા કાર્યવાહી હાથ ધરવામાં આવી રહી છે. ગીર સોમનાથનાં ઉનામાં એલમપુર ગામે ખેતરમાં ગાંજાનું વાવેતર કર્યું હોવાની માહિતી એસઓજી પોલીસને મળતા પોલીસે આરોપી બીજલભાઈ ભીમાભાઈ બામણીયાની ધરપકડ કરી આરોપી પાસેથી 114 ગાંજાનાં છોડનું વાવેતર મળી આવ્યું હતુ. પોલીસે 51 કિલો ગાંજા સાથે એસઓજી પોલીસે ઝડપી પાડ્યો હતો.

આરોપી દોઢ વર્ષથી નાસતો ફરતો હતો
સુરતમાં એસઓજીએ 91 કિલો ગાંજો ઝડપ્યો હતો. જેમાં પોલીસે આરોપીનાં સાથીદારોને પહેલા ઝડપ્યા હતા. મુખ્ય આરોપીનાં સાથીદારોને પહેલા ઝડપ્યા હતા. મુખ્ય આરોપી બાલકૃષ્ણ ક્રિનાથ ગૌડની ધરપકડ કરી હતી. આરોપી દોઢ વર્ષથી નાસતો ફરતો હતો. પોલીસે આગળની તપાસ હાથ ધરી હતી.