ફાયદાની વાત / ચહેરાની સાથે વાળની ચમકને નિખારવાનો અસરદાર ઉપાય એટલે ફટકડી, સાચી રીતે કરો ઉપાય સાથે આ સાવધાની પણ જરૂરી

• ફટકડીથી દરેક સમસ્યાનો એકમાત્ર ઈલાજ છે
• ફટકડીને અંગ્રેજીમાં એલમ કહે છે
• એન્ટી એજિંગથી બચવા માટે ચહેરા પર ફટકડી લગાવો

Fitkari na Fayde:શું તમે જાણો છો કે ફટકડીનો ઉપયોગ કરવાથી ચહેરા અને વાળ બંનેની સુંદરતા વધી શકે છે. ફટકડીમાં એન્ટી-બેક્ટેરિયલ ગુણ હોય છે, જે ઘણી સમસ્યાઓનો ઉકેલ છે. ફટકડી વૃદ્ધત્વ રોકવામાં ખૂબ જ અસરકારક છે. ફટકડીથી દરેક સમસ્યાનો એકમાત્ર ઈલાજ છે. તો આવો જાણીએ તેના ફાયદાઓ વિશે...

ફટકડી શું છે?
ફટકડી એક પારદર્શક નક્કર પદાર્થ છે, જેનો ઉપયોગ રસોડાને લગતા અનેક કામોમાં થાય છે. તેને અંગ્રેજીમાં એલમ કહે છે. તે સ્વાદમાં હળવા મીઠો હોય છે. તો આ રીતે ફટકડીનો ઉપયોગ કરો.

1. ચહેરા પર લગાવો 
એન્ટી એજિંગથી બચવા માટે મોંઘા કોસ્મેટિક પ્રોડક્સનો ઉપયોગ કરવાની જરૂર નથી. તમે ફટકડીનો ઉપયોગ કરીને ચહેરા પરની કરચલીઓથી પણ છુટકારો મેળવી શકો છો. આ માટે ફટકડીને પાણીમાં ભીની કરો. ત્યારપછી તેને હળવા હાથે ચહેરા પર સર્ક્યુલેશન મોશનમાં ચહેરા પર ઘસો અને તેને સારી રીતે સૂકવી લો. ચહેરા પર ફટકડી લગાવ્યા પછી તેને લૂછો નહીં તો ફાયદો નહીં થાય. જ્યારે તે સારી રીતે સુકાઈ જાય, પછી તેને ઠંડા પાણીથી ધોઈ લો.

2. પોર્સને ખોલે છે ફટકડી 
ધૂળ, પોલ્યુશન અને વધુ પડતા બ્યુટી પ્રોડક્ટ્સના ઉપયોગના કારણે ચહેરાના પોર્સ બંધ થઈ જાય છે, જેના કારણે સ્કિન ડ્રાય થવા લાગે છે અને સમય પહેલા કરચલીઓની સમસ્યા સતાવવા લાગે છે. ત્વચાની ભેજ જાળવી રાખવા માટે છિદ્રો ખુલ્લા હોવા ખૂબ જ જરૂરી છે. તો આ માટે એક ચમચી ફટકડીના પાઉડરમાં ઓલિવ ઓઈલ મિક્સ કરીને ચહેરા પર હળવા હાથે મસાજ કરો. ચહેરાના બંધ પોર્સ થોડા દિવસોમાં આપોઆપ ખુલી જશે.

3.  દુર્ગંધ દૂર કરે છે ફટકડી 
ઉનાળામાં પરસેવાના કારણે તમારા શરીરમાંથી દુર્ગંધ આવતી હોય તો તેના માટે પણ ફટકડી એક ઉપાય છે. આ માટે તમારે એક ડોલ પાણીમાં બે ચમચી ફટકડીનો પાવડર મિક્સ કરીને તે પાણીથી સ્નાન કરવું. જો તમે અઠવાડિયામાં એક કે બે વાર ફટકડીના પાણીથી સ્નાન કરશો તો તમારા શરીરમાંથી આવતી દુર્ગંધ દૂર થઈ જશે.

4. વાળને સાફ કરે છે ફટકડી 
ફટકડીના પાણીથી વાળ ધોવાથી મૂળમાંથી ગંદકી અને મેલ સરળતાથી દૂર થાય છે. તેથી ગંદા વાળ ધોવા માટે, ફટકડીને પાણીમાં છોડી દો અને પછી આ પાણીથી વાળ ધોઈ લો.

આ સાવધાની રાખો

• ફટકડીનો ઉપયોગ મર્યાદિત માત્રામાં જ કરો. નહિંતર, ચહેરા પર ફોલ્લીઓનું જોખમ થઇ શકે છે.
• ફટકડી સુંઘવાથી ગળામાં દુખાવો અને બળતરા થઈ શકે છે.
• સગર્ભા અને સ્તનપાન કરાવતી સ્ત્રીઓએ ફટકડીનો ઉપયોગ ન કરવો જોઈએ.

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.