મિશન 2024 / દેશમાં મોટો લાભાર્થી વર્ગ ઊભો કરવા મોદી સરકારની તૈયારી, જાણો શું છે કેન્દ્રનો એક્શન પ્લાન

• મોદી સરકારનો લાભાર્થી વર્ગ માટે મોટો પ્લાન
• ચૂંટણી પહેલા 10 કરોડ પરિવાર પર સરકારની નજર
• ઉજ્જવલા યોજનામાં 300 રૂપિયા સુધીની અપાઈ છે છૂટ

કેન્દ્રની ભાજપ સરકાર 2024ની ચૂંટણી પહેલા ચૂપચાપ એક મોટો લાભાર્થી વર્ગ તૈયાર કરવામાં કામે લાગી છે. એક તરફ મોદી સરકારે ઉજ્જવલા યોજના અંતર્ગત એલપીજી સિલિંડરના લાભાર્થી લોકો માટે 300 રૂપિયા સુધી આતંરિક છૂટ આપવાની જાહેરાત કરી છે. તો બીજી તરફ સ્ટ્રીટ વેંડર્સનો લોન આપવામાં આવી રહી છે. મોદી સરકાર દ્વારા બહાર પાડવામાં આવેલી માહિતી અનુસાર પીએમ સ્વવનિધિ સ્કીમ અંતર્ગત 50 સ્ટ્રીટ વેંડર્સઓને લોન આપવામાં આવી છે. જે અંતર્ગત સરકાર 50 હજાર રૂપિયા સુધીની લોન કોઈપણ ગેરન્ટી વિના આપી રહી છે. 

મોટો લાભાર્થી વર્ગ
માનવામાં આવી રહ્યું કે, સરકાર આ યોજનામાં જાતિ-ધર્મની બાબતોથી ઉપર ઉઠી આ લાભ આપી રહી છે અને એક મોટા લાભાર્થી વર્ગને તૈયાર કરી રહી છે. આ સ્કિમને મોદી સરકારે કોરોના કાળમાં શરૂ કરી હતી. આ અંતર્ગત 10 હજાર રૂપિયા આર્થિક સહાયતા માટે લોન આપવામાં આવી હતી. એક તરફ પીએમ સ્વનીધિ યોજનામાં એક કરોડ લાભાર્થી તૈયાર કરવાનો ટાર્ગેટ છે તો બીજી તરફ ઉજ્જવલા યોજનામાં 9.60 કરોડ લોકોને 300 રૂપિયાની આંતરિક છૂટ આપવાનો એક નિર્ણય લીધો છે.

10 કરોડ પરિવારોનો ટાર્ગેટ
આ બે યોજના દ્વારા સરકાર આર્થિક નબળા વર્ગોમાં પોતાની ચાહના બનાવવા માંગે છે. આ યોજનાઓમાં લગભગ 10 કરોડ પરિવારોનો ટાર્ગેટ રાખવાની કોશિષ કરવામાં આવી છે. 10 કરોડ પરિવારનો મતલબ થયો કે, સરકાર લગભગ 50 કરોડ લોકો સુધી પહોંચી શકશે. તો પીએમ કિસાન સન્માન નિધિ યોજના દ્વારા સરકાર પહેલાથી જ કિશાનોને લલચાવી દીધા છે. જો કે, અત્યારે આ રકમમાં વધારો કરવાની કોઈ પણ ચર્ચા નથી

પીએમ સ્વનિધિ યોજના કોને લાભ મળે 
પીએમ સ્વનિધિ યોજના અંતર્ગત સરકાર 10 હજાર, 20 હજાર અને 50 હજાર રૂપિયા લોન આપવામાં આવે છે. આ લોન સમાન્ય શ્રમિક વર્ગનો કામ કરવાવાળા લોકોને આપવામાં આવે છે. જે તેમનો ધંધો વિકસાવી શકે. સરકાર આ યોજના અંતર્ગત એક વર્ષમાં 1 કરોડ લોન આપવાનો લક્ષ્ય રાખ્યો છે.