- કાળી ગરદન સાફ કરવાના ઘરગથ્થુ ઉપચાર
- દહીંમાં લીંબુ નિચોવીને 5 થી 10 મિનિટ સુધી રાખો
- ચણાના લોટમાં હળદર અને દહીં મિક્સ કરીને માસ્ક લગાવો
સામાન્ય રીતે ચહેરાની સફાઈ ઉપર પૂરતું ધ્યાન આપવા છતાં પણ ડોક અને કોણી, ઘૂંટણ સહિતના અમુક ભાગ પર કાળાશ જામતી હોય છે જેને લઈને ચહેરાની ચમક વિખેરાઈ જતી હોય છે. ત્યારે આ કાળી ગરદનને સાફ કરવા અને ગરદનનો રંગ ચહેરાની માફક ચમકાવવા માટે કેટલાક ઘરગથ્થુ ઉપાય છે. જેને અજમાવવાથી આ સમસ્યામાંથી મુક્તિ મળે છે. કાળી ડોકની પરેશાની દૂર કરવા માટેના ઉપાયની વાત કરવામાં આવે તો સૌ પ્રથમ એક બાઉલમાં લીંબુનો રસ નીચોવી લેવો જોઈએ.
ત્યારબાદ અડધા બાઉલમાં બે ચમચી લીંબુનો રસ નાખી અને તેમાં ગ્લેસરીન ઉમેરવું જોઈએ અને ગુલાબ જળ પણ મિક્સ કરવું જોઈએ આ મિશ્રણને સ્પ્રે બોટલમાં ભરી લઈ અને ગરદન પર છાંટવાથી પાંચ મિનિટ પછી તેને કોટનથી સાફ કરવાથી ગંદકી સાફ થઈ જાય છે. દરરોજ આવું કરવાથી કાળી પડી ગયેલી ગરદન ચહેરાની માફક ચમકવા લાગશે.
15 મિનિટ લગાવવાથી પણ ગરદનનો મેલ નીકળી શકે છે
આ ઉપરાંત અન્ય કેટલીક પદ્ધતિ અંગે વાત કરીએ તો દહીંમાં લીંબુ નીચોવીને પાંચથી દસ મિનિટ સુધી ગરદન પર લગાવવાથી કાળી ગરદન ચહેરાની માફક ચમકવા લાગે છે. આ ઉપરાંત મધમાં હળદર મિક્સ કરીને પેસ્ટ બનાવી લીધા બાદ ગરદન પર 15 મિનિટ લગાવવાથી પણ ગરદનનો જીદી મેલ નીકળી શકે છે.
ટમેટાનો રસ ભેળવીને 5 મિનિટ સુધી રાખો
સાથે સાથે ચણાના લોટમાં હળદર અને દહીં મિક્સ કરીને માસ્ક તૈયાર કરી અને આ માસ્કને ગરદન પર લગાવવાથી ગરદન પરનો મેલ દૂર થઈ શકે છે. તે જ રીતે એલોવેરા જેલ લગાવવાથી પણ મેલ નીકળી શકે છે અને ચહેરાને ઠંડક મળે છે. વધુમાં બટાકાના રસ અને લીંબુનો રસ તેમજ ટમેટાનો રસ ભેળવીને 5 મિનિટ સુધી રાખવાથી પણ ગરદન સાફ આવે છે.
