નુસખા / માત્ર 1 જ દિવસમાં ખીલ ગાયબ કરી દેશે આ 4 શ્રેષ્ઠ ઉપચાર, ઓઈલી સ્કિનની સમસ્યા પણ કરશે દૂર

Noor

Last Updated: 04:00 PM, 10 September 2020

FOLLOW ON

શેર કરો

આજકાલ ખીલ-ફોડલી કે ચહેરો વારંવાર ઓઈલી થઈ જવો, ચહેરાનો રંગ ડલ થવો વગેરે એકદમ સામાન્ય બની ગઈ છે. જે ખાસ કરીને ટીનએજર્સમાં જોવા મળે છે. યુવાનોના શરીરમાં ઘણા પ્રકારનાં હાર્મોનિકલ બદલાવ આવે છે, જેમાં ચહેરાની તૈલીયગ્રંથી ખૂબ જ સક્રીય થઈ જાય છે. આ સાથે ઘણાં ઈન્ફેક્શનને કારણે પણ ચહેરા પર ખીલ-ફોડલી થઈ જાય છે. તો ચાલો જાણો ઉપાયો.

ખીલ થવાના કારણો

ખીલ ટીનએજમાં વધુ થાય છે કારણ કે આ અવસ્થામાં શરીરમાં હોર્મોન્સનુ પ્રમાણ વધે છે.
વધુ પ્રમાણમાં જંકફૂડના સેવનથી પણ ખીલની સમસ્યા ઉદભવે છે.
વારસાગત અને પ્રદૂષણનું ઇન્ફેકશન પણ ખીલની સમસ્યાનું કારણ હોય શકે છે.
કોસ્મેટિક્સ સામગ્રીનો વધુ પડતો ઊપયોગ પણ ખીલની સમસ્યાને નોતરે છે.

ઉપાયો

એક ચમચી હળદરના પાઉડરમાં થોડું પાણી મેળવી ઘટ્ટ મિશ્રણ તૈયાર કરવું. આ પેસ્ટને ખીલની જગ્યાએ લગાવવું. થોડી મિનીટ સુધી રાખ્યા બાદ તેને ઠંડા પાણીથી ધોઇ લેવું. સપ્તાહમાં એકવાર આ રીતે કરો.

ફુદીનામાં શરીરને ઠંડક પહોચાડવાના ગુણોની સાથે તેમાં એન્ટીસેપ્ટિકના ગુણો પણ ભરપૂર માત્રામાં જોવા મળે છે. થોડા ફુદીનાનાં પાનમાં પાણી નાખીને તેની પેસ્ટ તૈયાર કરી લેવી. આ પેસ્ટને રાતે લગાવી સવારે ફેસ વોશ કરી લો. આ ઉપાય સપ્તાહમાં એકવાર કરવાથી ધીરે-ધીરે ખીલની સમસ્યા જડમૂળથી ગાયબ થઈ જશે.

લસણમાં એન્ટીફંગલ તત્વ જોવા મળે છે. જે ખીલને ખુબ જ જલ્દી ઠીક કરે છે. લસણની બે કળી અને લવિંગને પીસી લેવું. એ પેસ્ટને માત્ર ખીલ પર લગાવવું. થોડા સમય સુધી રહેવા દઈ ચહેરાને ધોઈ લેવો. આવું કરવાથી ખીલ દૂર થશે.

ટૂથપેસ્ટનો ઊપયોગ દાંતને સફેદ કરવા માટે તો આપણે કરીએ જ છીએ, પરંતુ ખીલને દૂર કરવામાં પણ ટૂથપેસ્ટ એક શ્રેષ્ઠ ઉપાય સાબિત થાય છે. રાતે સૂતા પહેલા ટૂથપેસ્ટને ખીલ પર લગાવવું. સવારે ઠંડા પાણીએ ચહેરો સાફ કરી લેવો તમને ખીલ પર તરત જ અસર જોવા મળશે અને એક જ દિવસમાં ખીલ ગાયબ થઈ જશે. ખીલ પર માત્ર સફેદ ટૂથપેસ્ટ જ લગાવવી.

સંકળાયેલા મુદ્દાઓ

Dark Spots Home Remedies Pimples Remedies