નિવેદન / 'નામ બદલીને દિકરીઓને ફસાવે તે પ્રેમ ન કહેવાય' લવ જેહાદ મામલે ગૃહ રાજ્યમંત્રી આકરા પાણીએ, આપ્યા મોટા આદેશ

• ગુહરાજ્ય મંત્રી હર્ષ સંઘવીનું લવજેહાદ મુદ્દે મહત્વનું નિવેદન
• 'નામ બદલીને કોઇ દિકરીઓને ફસાવે તે પ્રેમ ન કહેવાય'
• 'આ વિષય પર ફરિયાદ મળશે તો કડક પગલા લેવાશે'

ગુજરાતમાં હાલમાં ગરબા પર જીએસટીનો મુદ્દો ચર્ચામાં છે. આ મામલે વિપક્ષ દ્વારા વિરોધ નોંધાવવામાં આવી રહ્યો છે. તો બીજી તરફ સાબરકાંઠાના ગાંભોઇમાં નવજાતને જમીનમાં દાટી દેવા મામલે રોષની લાગણી ફરી વળી છે. વળી લવજેહાદ મુદ્દો છેલ્લા ઘણા સમયથી ચિંતાનો વિષય બન્યો છે. ત્યારે આ મામલે ગુજરાતના ગૃહરાજ્યમંત્રીએ પોતાની પ્રતિક્રિયા આપી.

પ્રેમ શબ્દને કોઇ પણ બદનામ કરશે તો છોડાવામાં આવશે નહી- હર્ષ સંઘવી

ગુજરાત ગૃહમંત્રી હર્ષ સંઘવીએ લવજેહાદ મામલે આકરા શબ્દોમાં  નિવેદન આપતા જણાવ્યું કે પ્રેમ કરવાનો તમામને હક છે. નામ બદલીને કોઇ દિકરીઓને ફસાવે તે પ્રેમ ન કહેવાય. પ્રેમ શબ્દને કોઇ પણ બદનામ કરશે તો છોડાવામાં આવશે નહી. વધુમાં જણાવ્યું કે  મુસ્તફા મહેશ બનીને પ્રેમ કરે તો સમાજની વ્યવસ્થા બગાડવાનો પ્રયાસ છે. આ વિષય પર ફરિયાદ મળશે તો કડક પગલા લેવાશે. 

બધુ પતી ગયુ એટલે વિપક્ષે ગરબા પકડ્યા- હર્ષ સંઘવી

નવરાત્રિમાં આ વખતે ગરબા પર જીએસટી લાદવામાં આવ્યો છે. ડેઇલી પાસ પર  GST નહી ચૂકવવો પડે. પરંતુ સિઝન પાસમાં આ વખતે 18% GST લાગશે. આ બાબતે હર્ષ સંઘવીએ નિવેદન આપતા જણાવ્યું કે ગરબા પર જીએસટી મુદ્દે વિપક્ષીઓ રાજકારણ કરી રહ્યા છે. તેઓએ વધુમાં જણાવ્યું કે  આવા કાર્યક્રમમાં ટિકિટ 500 કરતાં વધુ હોય તો GST લાગુ થાય,  પહેલાં જ 15 ટકા ટેક્સ હતો આજે દેશમાં એક સરખો ટેક્સ છે.  શ્રદ્ધા અને સંસ્કૃતિ બંને મહત્વના વિષય છે. બધુ પતી ગયુ એટલે વિપક્ષીઓએ ગરબાને પકડી લીધા. વધુમાં આકરા શબ્દોમાં પ્રહાર કર્યા કે જેને રાજ્ય ચલાવવાના સપના જોવા છે તેમને ટેક્સની ખબર નથી.  

 

નવજાતને દાટનાર માતા-પિતાને ઝડપી લેવાયા- હર્ષ સંઘવી

તો સાબરકાંઠાના ગાંભોઇમાં નવજાતને જમીનમાં દાટી દેવાની ઘટને હર્ષ સંઘવીએ વખોડી નાંખી હતી.  વધુમાં જણાવ્યું  હતુ કે પોલીસે ગણતરીના કલાકોમાં જ આરોપીઓને ઝડપી પાડ્યા છે. નવજાતને દાટનાર  મા-બાપને પણ ઝડપી લેવાયા છે. ઉલ્લેખનીય છે કે ગાંભોઈ UGCVL ઓફિસની બાજુમાં એક નવજાત બાળકનો રડવાનો અવાજ આવતો હતો. જેથી ત્યાં હાજર શ્રમિકોએ રડવાનો અવાજ આવતા તેઓએ સ્થાનિકોને જાણ કરી હતી. જેથી બાળકના રડવાના અવાજના પગલે જ્યારે જમીન ખોદવામાં આવી તો અંદરથી જીવિત હાલતમાં બાળકી મળી આવી હતી.