બ્રિટન / Beerની બોટલ પર ભગવાનનો ફોટો છપાતા હિંદુઓ કોપાયમાન, કર્યો મોટા પાયે વિરોધ

• બ્રિટનમાં બીયર બનાવતી એક કંપનીનો થયો વિરોધ
• દારૂની બોટલ પર લગાવ્યો હતો હિન્દૂ દેવીનો ફોટો 
• હિન્દૂ સંગઠને તાત્કાલિક પ્રોડક્ટ પાછી ખેંચવાની ઊઠાવી માગ

બ્રિટેનમાં એક આલ્કોહોલ બનાવતી કંપનીનો વિરોધ થઈ રહ્યો છે. હિન્દૂ સમુદાયે બિ.એન.મંગર નામની કંપનીને પોતાની પ્રોડક્ટસ્ પાછી લઈ લેવા માંગ કરી છે. કંપનીએ બીયરની બોટલો પર હિન્દૂ દેવીનો ફોટો લગાવીને વેંચી રહી હતી. ટ્વિટર હેન્ડલનાં એક એકાઉન્ટ થકી જાણકારી મળી કે બિ.એન.મંગર નામની કંપની હિન્દૂઓની ભાવનાઓને ઠેસ પહોંચાડનારી પ્રોડક્ટ્સ વેંચી રહ્યાં છે.

Bien Manger uses sacred image of Hindu Goddess on their beer bottle.@BienManger it's highly insensitive, disrespectful & hurtful to #Hindus. The Goddess Hindus worship is being used on your beer bottles. We demand you recall all such products & stop further manufacturing of it. pic.twitter.com/NiSvQ47Hh1

— INSIGHT UK (@INSIGHTUK2) January 10, 2023

2018 અને 2021માં પણ બન્યો હતો આવો બનાવ
બ્રિટનમાં વર્ષ 2021માં પણ દક્ષિણ-પશ્ચિમી ફ્રેન્ચમાં ગ્રેનેડ-સુર-ગોરોન નામક એક ફ્રાંસીસી શરાબ કંપનીએ 'શિવા બિયર' લૉન્ચ કરી હતી. આ સમયે પણ તેનો વિરોધ કરવામાં આવ્યો હતો. આ પહેલાં 2018માં પણ એક હિન્દૂ સંગઠને બીયરની બોટલમાં દેવી કાળીનાં ફોટાનો ઉપયોગ કરવા માટે ડર્બીશાયર દારૂની કંપનીની આલોચના કરી હતી. 

મંડાલા બીયર પર છાપ્યો હિન્દૂ દેવીનો ફોટો
એક કંપની મંડાલા બીયર નામથી બીયર વેંચી રહી છે જેની બોટલ પર હિન્દૂ દેવીનો ફોટો છપાયો છે. ઈનસાઈડ યૂકે એ કહ્યું કે આ અત્યંત અસંવેદનશીલ, અપમાનજનક અને હિન્દૂઓ માટે હાનિકારક છે. તમારી બીયરની બોટલો પર હિન્દૂ દેવીનો ફોટો છપાઈ રહ્યો છે. હિન્દૂ સમુદાયની માગ છે કે તમે એવા તમામ ઉત્પાદકોને પાછા ખેંચો અને આગળ તેમનું નિર્માણ બંધ રહે તે માટે પગલાં ભરો. ઈન્સાઈડ યૂકે બ્રિટિશ હિન્દૂએ અને ભારતીયોનાં મુદા પર અવાજ ઊઠાવનારું સોશિયલ પ્લેટફોર્મ છે.