NULL / યુવક મોબાઇલના ટાવર પર ચડી જતા સર્જાયો હાઇવોલ્ટેજ ડ્રામા ક્રેઇન બોલાવવી પડી

vtvAdmin

Last Updated: 06:54 PM, 30 March 2019

FOLLOW ON

શેર કરો

NULL

સુરતના અઠવાલાઇન્સ વિસ્તારમાં આજે એક યુવાન મોબાઈલ ટાવર પર ચડી જતા ભારે હાઇવોલ્ટેજ ડ્રામા સર્જાયો હતો. યુવાનને નીચે ઉતારવા માટે પોલીસ અને ફાયર વિભાગને ભારે પરસેવો પડ્યો હતો. લગભગ બે કલાક સુધી આ યુવાન ટાવરની ટોચ પર જ ચડી રહ્યો હતો.

આ ટાવરની ઊંચાઈ પણ આશરે 25થી 30 મીટર હતી. યુવાનને ઊંચાઈ પર જોતા લોકોમાં પણ અફરાતફરીનો માહોલ જોવા મળ્યો હતો. યુવાનને જોવા લોકો રસ્તા પર જ ઉભા રહી ગયા હતા અને મોબાઈલમાં તેના દ્રશ્યો ઉતારવા લાગ્યા હતા. ફાયરવિભાગને યુવાનને નીચે ઉતારવા માટે હાઇડ્રોલિક ક્રેઇનની મદદ લેવી પડી હતી.

આપને જણાવી દઇએ કે ભારે સમજાવટ બાદ યુવાનને નીચે ઉતારવામાં આવ્યો હતો. યુવાનનું કહેવું હતું કે કોઈ ખાનગી ચેનલના પત્રકાર દ્વારા તેની પાસેથી અઢી લાખ રૂપિયા મકાન બાંધવા માટે લીધા હતા.

જે તેણે પરત ન આપ્યા હતા. આ માટેની ફરીયાદ તેણે પોલીસમાં પણ કરી હતી. પણ કોઈ ન્યાય ન મળતા આખરે તેણે આ પગલું ભર્યું હતું. યુવાને જીદ પકડી હતી કે જ્યાં સુધી પોલીસ કમિશનર ન આવે ત્યાં સુધી તે નીચે નહીં ઉતરે. જોકે ઘટનાની ગંભીરતા જોતા પોલીસ કમિશનર સતીશ શર્મા જાતે જ આવી પહોંચ્યા હતા. જે બાદ યુવાન નીચે ઉતર્યો હતો.

સંકળાયેલા મુદ્દાઓ