- 'ગદર 2' એ એક અઠવાડિયામાં 300 કરોડનું કલેક્શન કર્યું
- હેમા માલિનીએ જોઈ સની દેઓલની ફિલ્મ 'ગદર 2'
- ફિલ્મ જોઇને બોલી સની એ શાનદાર અભિનય કર્યો
Hema Malini watched Sunny Deol's film 'Gadar 2': સની દેઓલની 'ગદર 2' એ એક અઠવાડિયામાં 300 કરોડનું કલેક્શન કરીને ઈતિહાસ રચ્યો છે. આ સાથે જ એટલે કે વર્ષ 2023 દેઓલ પરિવાર માટે ખૂબ જ યાદગાર બનવાનું છે. સાંસદ અને અભિનેત્રી હેમા માલિનીએ સાવકા પુત્ર એટલે કે સની દેઓલની ફિલ્મ જોઈ છે. આ સાથે જ થિયેટરમાંથી નીકળ્યા બાદ એમને ફિલ્મ પર પોતાની પ્રતિક્રિયા પણ આપી હતી.
હેમા માલિનીએ જોઈ સની દેઓલની ફિલ્મ 'ગદર 2'
એ વાત તો નોંધનીય છે કે હેમા માલિની ક્યારેય દેઓલ પરિવારના ફંક્શનમાં જોવા મળતી નથી. જ્યારે 'ગદર 2'નું સ્ક્રીનિંગ તેની પુત્રી એશા દેઓલે તેના ઘરે રાખ્યું હતું. તે પછી પણ તે ત્યાં જોવા મળી નહતી. એટલું જ નહીં જ્યારે ફિલ્મનું પ્રીમિયર થયું હતું એ સમયે બધા સ્ટાર્સ આવી ગયા હતા. ધર્મેન્દ્ર અને તેની પહેલી પત્ની પ્રકાશ કૌર પણ જોવા મળ્યા હતા પણ હેમા માલિની ત્યાં પણ દેખાઈ નહતી. તેની પાછળનું કારણ તો કોઈ નથી જાણતું પણ હવે એમને ફિલ્મ જોઈ છે અને તેની સમીક્ષા પણ કરી છે.
'ગદર 2' જોઇને હેમા માલિનીની બોલી 'સની શાનદાર '
હેમા માલિની ફિલ્મ જોઇનએ નીકળી એ બાદ એમને પૂછવામાં આવ્યું કે 'ગદર 2' કેવી લાગી? તેના પર અભિનેત્રીએ કહ્યું, 'હું ગદર જોઈને આવી અનેએ ફિલ્મ ખૂબ જ સરસ છે. જેવી અપેક્ષા એવી જ ફિલ્મ છે. 70 અને 80 ના દાયકાની ફિલ્મ જેવો સમયગાળો લાગતો હતો. અનિલ શર્માજીએ ખૂબ જ સુંદર દિગ્દર્શન કર્યું છે અને સની એ શાનદાર તો ઉત્કર્ષ શર્માએ પણ ખૂબ જ સુંદર અભિનય કર્યો છે. નવી છોકરી પણ ખૂબ સરસ છે. આ જોઈને દેશભક્તિની લાગણી ભરાઈ આવે છે જે રાષ્ટ્ર પ્રત્યે હોવી જોઈએ. ભારત અને પાકિસ્તાન માટે ઘણો સારો સંદેશ છે.
હેમા માલિનીએ કહ્યું 22 વર્ષ પછી પણ..
આગળ વાત કરતાં હેમા માલિનીએ કહ્યું કે 22 વર્ષ પછી પણ સની દેઓલ અને અમીષા પટેલ એકસાથે ખૂબ જ સુંદર લાગે છે. ખૂબ સારું કામ કર્યું. શાનદાર કામ કર્યું'.આ પછી હેમાએ પણ ફિલ્મના ગીતોના વખાણ કર્યા અને અંતે કહ્યું, 'ગદર 2 એક શાનદાર ફિલ્મ છે.'
