નિર્ણય / ગુજરાતમાં દારૂબંધીને પડકારતી અરજી પર હાઇકોર્ટમાં સુનાવણી, અરજદારે કહ્યું ઘરમાં કોણ શું ખાશે-પીશે એમાં સરકારના હસ્તક્ષેપ જરૂર નથી

• રાજ્યમાં દારૂબંધીની નીતિને પડકારતી અરજી  પર હાઈકોર્ટમાં સુનાવણી
• દારૂબંધીને પડકારતી અરજીમાં કોઈ ઉતાવળની જરૂર નથીઃ એડવોકેટ જનરલ
• દારૂબંધીને પડકારતી તમામ અરજીઓની અંતિમ સુનાવણી 7 ઓગસ્ટે

રાજ્યમાં દારૂબંધીની નીતિને પડકારતી અરજી પર હાઈકોર્ટમાં સુનાવણી ચાલુ છે. ત્યારે એડવોકેટ જનરલે કોર્ટમાં રજૂઆત કરતા કહ્યું હતું કે દારૂબંધીને પડકારતી અરજીમાં કોઈ ઉતાવળની જરૂર નથી. બીજા ઘણા મહત્વનાં કેસો છે જેની પર તત્કાલ સુનાવણી જરૂરી છે. અદાલતે આ અરજીને પ્રાથમિકતા આપવી જોઈએ નહિ. ત્યારે અરજદર તરફથી કોર્ટમાં રજૂઆત કરાઈ કે આ એક મહત્વનો મુદ્દો છે.  આખા રાજ્યને અસર કરતો મુદ્દો છે.  વ્યક્તિ પોતાનાં ઘરમાં શું ખાશે કે શું પીશે તેમાં સરકારનાં હસ્તક્ષેપ જરૂરી નથી. એક ચોક્કસ દિવસે આ અંગે અંતિમ નિર્ણય લેવો જરૂરી છે. દારૂબંધીને પડકારતી તમામ અરજીઓની અંતિમ સુનાવણી 7 ઓગસ્ટે થશે. ત્યારે 7 ઓગસ્ટનાં રોજ આ તમામ અરજીઓ પર અંતિમ સુનાવણી હાથ ધરવામાં આવશે.

અગાઉ થયેલી સુનાવણીમાં  HC એ કહ્યું હતું કે અરજદારની અરજી યોગ્ય નથીઃ હાઈકોર્ટ
અગાઉ થયેલી સુનાવણીમાં અરજદાર અને એડવોકેટ જનરલ વચ્ચે ધારદાર દલીલો થઇ હતી. અરજદારે કહ્યું કે, રાજ્યમાં દારૂબંધી હોવાથી પ્રવાસીઓ ઘટ્યા છે. તો સામે એડવોકેટ જનરલે કહ્યું કે ગાંધીના ગુજરાતમાં દારૂની પરવાનગી ન મળી શકે. ગુજરાત હાઇકોર્ટમાં અરજદારની અરજી યોગ્ય નથી. તો સામે અરજદારે કહ્યું કે સુપ્રીમ કોર્ટમાં આવી અનેક અરજી થાય છે. અને ગુજરાતમાં પણ આ અરજી યોગ્ય છે. કોઈ રાજ્યમાં નિયમો થોપી બેસાડે તેવા બંધારણના હકો નથી. તો સામે એડવોકેટ જનરલે કહ્યું રાજ્યમાં દારૂની પરવાનગી નહીં અપાય.