- ચોમાસુ આવતા સંક્રમણનું જોખમ પણ વધી જાય છે
- જેની સીધી અસર ઈમ્યૂન સિસ્ટમ પર થાય છે
- આ આયુર્વેદિક ઉપાયથી રોગ પ્રતિકારક શક્તિ મજબૂત થઈ શકે છે
ચોમાસુ આવતા સંક્રમણનું જોખમ પણ વધી જાય છે, જેના કારણે તમને આરોગ્યની સમસ્યા થઈ શકે છે. ચોમાસામાં આરોગ્યનું ધ્યાન રાખવામાં ના આવે તો તેની સીધી અસર ઈમ્યૂન સિસ્ટમ પર પડે છે. ચોમાસામાં થોડા પણ પલળી જઈએ તો પેટની સમસ્યા, શર્દી-ખાંસી અને ઋતુગત બિમારીઓ થાય છે. અહીંયા અમે એવા કેટલાક આયુર્વેદિક ઉપાય જણાવી રહ્યા છીએ, જેની મદદથી રોગ પ્રતિકારક શક્તિ મજબૂત થઈ શકે છે.
ઘરે ઉકાળી બનાવવાની રીત
રેસિપી- 1
આવશ્યક સામગ્રી
- પાણી: 2 કપ
- આદુનો એક ટુકડો
- લવિંગ: 4
- કાળા મરી: 5-6
- તુલસી: 5-6 પાંદડા
- મધ: 1 ચમચી
- તજ
બનાવવાની રીત
- ઘરે ઉકાળો બનાવવા માટે એક પૈનમાં ગરમ પાણી લો.
- તેમાં આદુ, લવિંગ, મરી અને તજ પીસીને નાખો. હવે તેમાં તુલસીના પાન પણ નાખી દો.
- 20 મિનિટ સુધી ધીમા તાપે ઉકળવા દો.
- હવે ગેસ બંધ કરી દો.
- હવે ગ્લાસમાં ગાળી લો અને તેમાં મધ નાખો, તમે તમારા સ્વાદ અનુસાર એક ચપટી મીઠુ પણ નાખી શકો છો.
- ઉકાળો ઠંડો થવા દો અને નવશેકો થાય ત્યારે તેનું સેવન કરવું, જેથી તે લાભકારક સાબિત થાય છે.
રેસિપી- 2
આવશ્યક સામગ્રી
- 2 કપ પાણી
- 1 ચમચી મધ
- 1 ચમચી કાળા મરી
- 1 ટીસ્પૂન ઝીણુ સમારેલુ આદુ
- 1 ટીસ્પૂન દેશી ઘી
- એકથી બે લવિંગ
- તુલસીના પાન
બનાવવાની રીત
- કળાઈમાં ઘી ગરમ કરો અને તેમાં લવિંગ, કાળા મરી, આદુ અને તુલસી નાખો.
- મસાલા કકડવાના બંધ થાય પછી તેમાં પાણી નાખો.
- ધીમા તાપે 15-20 મિનિટ સુધી પાણી પકવવા દો અને તેને વચ્ચે વચ્ચે હલાવતા રહો.
- તુલસીના પાન નાખીને બે મિનિટ સુધી પકવવા દો.
- સ્વાદ અનુસાર મધ નાખો. દિવસમાં એકતી બે વાર આ ઉકાળાનું સેવન કરી શકો છો.
રેસિપી- 3
આવશ્યક સામગ્રી
- 2 કપ પાણી
- 1 ચમચી ધાણાના બીજ
- 1 ટીસ્પૂન જીરૂ
- 1 ચમચી વરિયાળી
- 4 થી 5 કાળા મરી
બનાવવાની રીત
- સેકેલા ધાણા, જીરૂ અને વરિયાળી એકદમ ઝીણા પીસી લો અને એરટાઈટ ડબ્બામાં ભરીને મુકી દો.
- ઉકાળો બનાવવા માટે એક ગ્લાસ પાણી અને તેમાં એક ચમચી આ પાઉડર નાખો અને તેમાં થોડો ગોળ પણ નાખો.
- હવે ગાળીને તમે આ ઉકાળાનું સેવન કરી શકો છો.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાંત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
